பதான் டிக்கெட் ரூ.2,200 வரை விற்பனை
5 ஆண்டுகளுக்கு பிறகு ஷாருக்கான் நடித்துள்ள படம், பிரபல தயாரிப்பு நிறுவனமான யாஷ் ராஜ் பிலிம்சின் 50வது படம். நீண்ட இடைவெளிக்கு பிறகு ஷாருக்கானும், தீபிகா படுகோனும் இணைந்து நடித்துள்ள படம். சமீபத்தில் சர்ச்சையை உண்டாக்கிய படம். இப்படி பல வழிகளில் கவனம் பெற்ற பதான் படம் முன்பதிவில் அதிரடி சாதனை படைத்து வருகிறது.
வருகிற 25ம் தேதி திரையரங்குகளில் வெளியாகும் இந்த படத்தின் முன்பதிவு தொடங்கி ஜரூராக நடந்து வருகிறது. டில்லியில் ஐமேக்ஸ் தியேட்டர்களில் டிக்கெட்டுகள் 2,200 ரூபாய் வரை விற்கப்படுகின்றன. மும்பையில் 200 ரூபாய்க்கு தொடங்கி 1450 வரை டிக்கெட்டுகள் விற்கப்படுகின்றன. மும்பையில் சில திரையரங்குகள் ஒரு நாளைக்கு 15 காட்சிகள் திரையிட திட்டமிட்டுள்ளனர்.
250 கோடி ரூபாய் செலவில் உருவாகி உள்ள இந்த படத்தின் ஓடிடி உரிமம் மட்டும் 100 கோடிக்கு விற்கப்பட்டிருப்பதாக கூறப்படுகிறது. மற்ற உரிமங்கள், முன்பதிவு வசூல் இவற்றின் மூலமே படத்தின் தயாரிப்பு செலவு மீட்கப்பட்டுவிடும் என்று சினிமா வர்த்தக நிபுணர்கள் கருத்து தெரிவித்துள்ளனர்.