Oscar Nominations 2023: ஆஸ்கார் நாமினேஷன் பட்டியல்.. எப்போ? எங்கே? எப்படி? பார்க்கலாம்

ஆஸ்கார் விருதுக்கான நாமினேஷன் 2023: ஆஸ்கார் விருதுக்கான பரிந்துரைகள் 2023 இன்று, செவ்வாய்க்கிழமை, ஜனவரி 24, கலிபோர்னியாவின் பெவர்லி ஹில்ஸில் இருந்து நேரடியாக அறிவிக்கப்படும். சிறந்த இயக்குனர், சிறந்த நடிகர், சிறந்த நடிகை மற்றும் சிறந்த படம் ஆகியவற்றுக்கான பரிந்துரைக்கப்பட்டவர்கள் மீது அனைவரின் கவனம் உள்ளது. ரிஸ் அகமது மற்றும் அலிசன் வில்லியம்ஸ் ஆகியோர் 95வது ஆஸ்கார் விருதுக்கான பரிந்துரைகளை இன்று அறிவிக்கவுள்ளனர்.

இதற்கிடையில் இந்தியாவில் இருந்து நான்கு படங்கள் ஆஸ்கார் விருதுக்கான பரிந்துரை பட்டியலில் (ஆர்ஆர்ஆர், செலோ ஷோ, ஆல் தட் ப்ரீத்ஸ் மற்றும் தி எலிஃபன்ட் விஸ்பரர்ஸ்) இடம் பெற்றுள்ளது. இதனால் இந்த விருது விழா இந்திய மக்களுக்கு கூடுதல் சிறப்பு வாய்ந்ததாக இருக்கும்.

RRR தேர்வாகுமா?
ராஜமவுலி இயக்கத்தில் கடந்த ஆண்டு வெளியான பிரம்மாண்ட திரைப்படம் ஆர்.ஆர்.ஆர். ராம்சரண் மற்றும் ஜூனியர் என்.டி.ஆர் நாயகனாக நடித்திருந்த இந்த படத்துக்கு பாக்ஸ் ஆபிஸிலும் அமோக வரவேற்பு கிடைத்தது. இப்படம் உலகளவில் ரூ.1100 கோடிக்கு மேல் வசூலித்து சாதனை படைத்தது. சமீபத்தில் உலகின் உயரிய விருதுகளில் ஒன்றான கோல்டன் குளோப் விருது விழாவில் ஆர்.ஆர்.ஆர் படத்தின் நாட்டு நாட்டு பாடலும் சிறந்த பாடலுக்கான விருது கிடைத்தது.

இதற்கு அடுத்தபடியாக ஆஸ்கர் வெல்லவும் ஆர்.ஆர்.ஆர். படத்துக்கு அதிக வாய்ப்பு இருப்பதாக கூறப்பட்டு வருகிறது. இதற்காக அமெரிக்காவில் முகாமிட்டுள்ள ஆர்.ஆர்.ஆர் படக்குழு, அங்கு இப்படத்துக்கான பிரச்சாரங்களையும் மேற்கொண்டு வருகிறது. ஆஸ்கர் விருதுக்கான போட்டியில் 15 பிரிவுகளில் போட்டியிடுகிறது ஆர்.ஆர்.ஆர் திரைப்படம். மேலும் இதில் சிறந்த நடிகர், சிறந்த பாடல், சிறந்த இயக்குனர், சிறந்த படம், சிறந்த வி எஃப் எக்ஸ், சிறந்த ஒலி என 6 பிரிவுகளில் தேர்வாக அதிக வாய்ப்புகள் உள்ளதாக கூறப்படுகிறது.