விஜய் மகன் ஜேசன் சஞ்சய்க்கு தன் அப்பா வழி அல்ல தாத்தா எஸ்.ஏ.சந்திரசேகரின் வழி தான் பிடித்திருக்கிறது.
விஜய்தளபதி விஜய்க்கு ஜேசன் சஞ்சய் என்கிற மகனும், திவ்யா சாஷா என்கிற மகளும் இருக்கிறார்கள். அட்லி இயக்கத்தில் விஜய் நடித்த தெறி படத்தில் கவுரவத் தோற்றத்தில் வந்தார் திவ்யா சாஷா. ஜேசன் சஞ்சய்க்கு தன் அப்பா போன்று கேமராவுக்கு முன்பு வர விருப்பம் இல்லையாம். தாத்தா போன்று இயக்குநர் ஆகும் ஆசையில் இருக்கிறார் ஜேசன்.
ஜேசன்படங்களை இயக்குவது குறித்து வெளிநாட்டில் படித்திருக்கிறார் ஜேசன். அவர் குறும்படங்களை இயக்கி வருகிறார். அப்படி அவர் ஒரு ஆங்கில குறும்படத்தை இயக்கிய வீடியோ தற்போது சமூக வலைதளத்தில் வெளியாகியுள்ளது. அந்த வீடியோவை விஜய் ரசிகர்கள் அதிகம் ஷேர் செய்து வருகிறார்கள். எங்கள் குட்டி தளபதி இயக்குநராகப் போகிறார் என பெருமையாக பேசி வருகிறார்கள்.
இயக்குநர்
ஆசைஜேசன் இயக்கிய குறும்பட வீடியோ முன்பும் கூட வெளியானது. இயக்குநர் அவதாரம் எடுப்பவர்களுக்கு விஜய்யை வைத்து ஒரு படமாவது இயக்க வேண்டும் என்கிற ஆசை இருக்கும். அப்படி இருக்கும்போது ஜேசன் சஞ்சய்க்கும் அந்த ஆசை இல்லாமல் இல்லை. ஆனால் முறையாக அனுபவம் பெற்ற பிறகே அப்பாவை வைத்து படம் எடுக்க வேண்டும் என முடிவு செய்திருக்கிறாராம்.
நடிப்புஅப்பா மாதிரியே மகனும் சூப்பராக இருக்கிறார். எத்தனையோ இயக்குநர்கள் தற்போது நடிகர்களாக இருக்கிறார்கள். அதனால் ஜேசனும் நடிகராக வேண்டும் என தளபதி ரசிகர்கள் கோரிக்கை விடுத்துள்ளனர். ஆனால் அவர்களின் விருப்பம் தற்போதைக்கு நிறைவேறாது போன்று. ஜேசனின் கவனம் எல்லாம் படம் இயக்குவதில் மட்டுமே இருக்கிறதாம்.
எஸ்.ஏ.சி.ஜேசன் சஞ்சய் இயக்கத்தில் விஜய் மட்டும் அல்ல எஸ்.ஏ. சந்திரசேகரும் சேர்ந்து நடிக்க வேண்டும் என்று ரசிகர்கள் விரும்புகிறார்கள். பேரன் இயக்கத்தில் நடிப்பதை விட தாத்தாவுக்கு வேறு என்ன சந்தோஷம் இருக்கப் போகிறது. எஸ்.ஏ. சந்திரசேகர் தான் தற்போது பிறர் இயக்கும் படங்களில் நடிப்பில் சக்கை போடு போடுகிறாரே என்கிறார்கள் ரசிகர்கள். இதற்கிடையே மீண்டும் விஜய்க்காக கதை கேட்குமாறு எஸ்.ஏ.சி.யிடம் ரசிகர்கள் சிலர் அன்பு கோரிக்கை விடுத்துள்ளனர்.
தளபதி 67விஜய்யோ தற்போது லோகேஷ் கனகராஜ் இயக்கத்தில் தளபதி 67 படத்தில் நடித்து வருகிறார். அந்த படத்தில் விஜய்க்கு முக்கிய வில்லனாக நடிக்க சீயான் விக்ரமை ஒப்பந்தம் செய்திருக்கிறார்கள். சீயானும் 30 நாட்கள் கால்ஷீட் கொடுத்திருக்கிறாராம். சீயான் தவிர்த்து பாலிவுட் நடிகர் சஞ்சய் தத், இயக்குநர் கவுதம் மேனன், மிஷ்கின் என ஏகப்பட்ட வில்லன்கள் இருக்கிறார்கள்.