கடந்த சில நாட்களாக தளபதி 67 படத்தை பற்றிய பேச்சு தான் எங்கு பார்த்தாலும் இருக்கின்றது. ஒருபக்கம் விஜய்யின் வாரிசு திரைப்படம் திரையில் வெற்றிகரமாக ஓடிக்கொண்டிருக்க மறுபக்கம் தளபதி 67 படத்தின் அறிவிப்புகள் ஒவ்வொன்றாக வெளியாகி வருகின்றன.
வாரிசு திரைப்படம் என்னதான் கலவையான விமர்சனங்களை பெற்றாலும் வசூல் ரீதியாக மிகப்பெரிய வெற்றியை பெற்றது. இதைத்தொடர்ந்து தளபதி 67 திரைப்படத்தின் மூலம் விமர்சன ரீதியாகவும் மிகப்பெரிய வெற்றியை பெற விஜய் முனைப்பு காட்டி வருகின்றார்.
Thalapathy 67: தளபதி 67 பூஜையில் லோகேஷ் கொடுத்த ஹின்ட்..இதுல இவ்ளோ விஷயம் இருக்கா..!
இந்நிலையில் மாஸ்டர் படத்திற்கு பிறகு லோகேஷ் மற்றும் விஜய் இணையும் தளபதி 67 படத்தின் படப்பிடிப்பு தற்போது விறுவிறுப்பாக நடைபெற்று வருகின்றது. என்னதான் படப்பிடிப்பு துவங்கினாலும் படத்தின் அதிகாரபூர்வ அறிவிப்பு சில நாட்களுக்கு முன்பு தான் வெளியானது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
மேலும் இப்படத்தில் நடிக்கும் நடிகர்களின் பட்டியல் வெளியாகி ரசிகர்களின் எதிர்பார்ப்பை இரட்டிப்பாகியுள்ளது. அதன் படி இப்படத்தில் அர்ஜுன், கௌதம் மேனன், மன்சூர் அலி கான், மிஸ்கின் என மிகப்பெரிய நட்சத்திர பட்டாளமே நடித்து வருகின்றனர்.
மேலும் இப்படத்தின் மூலம் 14 வருடங்களுக்கு பிறகு விஜய்யுடன் இணைந்து த்ரிஷா நடித்து வருகின்றார். இவர்கள் கூட்டணியில் வெளியான படங்கள் அனைத்தும் ரசிகர்களின் பேராதரவை பெற்ற படமாக இருப்பதால் மீண்டும் இவர்களை ஒன்றாக திரையில் காண ரசிகர்கள் ஆவலாக் இருக்கின்றனர்.
இந்நிலையில் இப்படத்தில் த்ரிஷாவின் கதாபாத்திரம் பற்றி இணையத்தில் ஒரு தகவல் வெளியாகியுள்ளது. அதன்படி இப்படத்தில் த்ரிஷா விஜய்யின் மனைவியாக நடிப்பதாகவும், பிளாஷ்பேக் போர்ஷனில் தான் த்ரிஷா வருவார் என்றும் தகவல் வந்துள்ளது. ஆனால் இவை அனைத்தும் ரசிகர்களாக கணிக்கப்பட்டு உருவாக்கப்பட்ட தகவல் என்பது குறிப்பிடத்தக்கது.