தமிழ் சினிமாவின் முன்னணி நட்சத்திரங்கள் பலருடனும் இணைந்து நடித்துள்ளவர் சமந்தா. கடைசியாக தமிழில் இவரின் நடிப்பில் ‘காத்து வாக்குல ரெண்டு காதல்’ படம் வெளியானது. விக்னேஷ் சிவன் இயக்கிய இந்தப்படத்தில் விஜய் சேதுபதி, சமந்தா, நயன்தாரா நடித்திருந்தனர். இந்நிலையில் சமந்தா தனது இன்ஸ்டாகிராம் பக்கத்தில் பகிர்ந்துள்ள பதிவு இணையத்தில் வைரலாகி வருகிறது.
நடிகை சமந்தா பிரபல தெலுங்கு நடிகர் நாகர்ஜூனாவின் மகனும் நடிகருமான நாக சைதன்யாவை காதலித்து மணந்தார். இவர்கள் இருவரும் கடந்த வருடம் மனம் ஒத்து பிரிவதாக தங்களுடைய விவாகரத்து முடிவை அறிவித்தனர். நாகர்ஜுனாவுடனான பிரிவிற்கு பின்னர் படங்களில் நடிப்பதில் கூடுதல் கவனம் செலுத்தி வருகிறார்.
இந்நிலையில் நடிகை சமந்தா திடீரென மயோசிடிஸ் எனும் தசை அழற்சி நோயால் பாதிக்கப்பட்டார். இந்தத் தகவல் ரசிகர்களிடையே அதிர்ச்சியையும், சோகத்தையும் ஏறபடுத்தியது.இதனையடுத்து சமந்தா அமெரிக்காவில் சிகிச்சை பெற்றார். இதனிடையில் அவருக்கு ஆயுர்வேத சிகிச்சை அளிக்கப்பட்டதாகவும் கூறப்பட்டது.
இந்நிலையில் நடிகை சமந்தா தனது இன்ஸ்டாகிராம் பக்கத்தில் ஜனவரி மாதத்தில் தனது வாழ்வில் நடந்த சில சம்பவங்களை புகைப்படங்களை பகிர்ந்து பதிவை ஒன்றை பகிர்ந்துள்ளார். அதில் “ஆழ்ந்த மூச்சு விடு பாப்பா. விரைவில் சரியாகிவிடும் என்று நான் உறுதியளிக்கிறேன். இந்த 7-8 மாதங்களில் நீ மிகவும் மோசமான நாட்களைப் பார்த்துவிட்டாய், அவற்றை எல்லாம் கடந்துவிட்டாய். அதை மறக்கவே கூடாது.
நீ அவற்றை எவ்வாறு கடந்து வந்தாய் என்பதை நினைவில் வைத்துக் கொள். யோசிப்பதை நிறுத்தி, கவனத்தை சிதறடித்து, ஒரு அடியை மற்றொன்றுக்கு முன்னால் வைத்து நடந்தாய். வேலை முடிந்தது. நீ அதை எப்படி செய்தாய் என்பது நம்பமுடியாதது. நீ அதை எப்படி தொடர்ந்து செய்தாய் என்பதில் நான் மிகவும் பெருமைப்படுகிறேன். மேலும் உன்னைப் பற்றி நீ பெருமைப்பட வேண்டும். நீ வலிமையானவள்” என உருக்கமாக பதிவிட்டுள்ளார்.
தனக்குத்தானே ஆறுதல் கூறுவதை போல் நடிகை சமந்தா பகிர்ந்துள்ள இந்த பதிவு இணையத்தில் வைரலாகி வருகிறது. இதனையடுத்து ரசிகர்கள் பலரும் அவருக்கு ஆறுதல் கூறி வருகின்றனர். நடிகை சமந்தா நடிப்பில் பான் இந்தியா படமாக உருவாகியுள்ள ‘சாகுந்தலம்’ வரும் பிப்ரவரி மாதம் 17 ஆம் தேதி வெளியாகவுள்ளது குறிப்பிடத்தக்கது.
View this post on Instagram A post shared by Samantha (@samantharuthprabhuoffl)