கடந்த 2019 ஆம் ஆண்டு ஜெயம் ரவி நடிப்பில் வெளியான கோமாளி படத்தின் மூலம் கோலிவுட்டில் இயக்குனராக அறிமுகமானார் பிரதீப் ரங்கநாதன். இந்தப்படம் பாக்ஸ் ஆபிசில் மிகப்பெரிய வசூல் சாதனை படைத்தது. இந்நிலையில் இவரது இரண்டாவது படைப்பாக இயக்கி நடித்து வெளியான ‘லவ் டுடே’ படம் வெற்றிகரமாக 100 நாட்களை கடந்துள்ளது.
ஜெயம் ரவி நடிப்பில் வெளியான ‘கோமாளி’ படத்தில் பல ஆண்டுகளாக கோமாவில் இருந்த ஒருவர் அதிலிருந்து மீண்ட பின்னர் என்னென்ன பிரச்சனையெல்லாம் எதிர்கொள்கிறார் என்பதை காமெடி கலந்து சொல்லப்பட்டது. காஜல் அகர்வால், யோகி பாபு, சம்யுக்தா ஹெக்டே உள்ளிட்டோர் நடிப்பில் புதுவிதமான கதையம்சத்துடன் வெளியான இப்படம் பிளாக்பஸ்டர் ஹிட் ஆனது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
‘கோமாளி’ படத்தின் வெற்றிக்கு பிறகு தனது இரண்டாவது படமாக ‘லவ் டுடே’ படத்தை இயக்கினார் பிரதீப். இப்படத்தின் மூலம் அவர் நடிகராகவும் அவதாரம் எடுத்தார். ரொமாண்டிக் காமெடி படமான இதில் பிரதீப்புக்கு ஜோடியாக இவானா நடித்தார். மேலும் ராதிகா, சத்யராஜ், யோகிபாபு, ரவீனா என மிகப்பெரிய நட்சத்திர பட்டாளமே ‘லவ் டுடே’ படத்தில் நடித்தனர்.
ஏஜிஎஸ் நிறுவனம் சார்பில் அர்ச்சனா கல்பாத்தி தயாரித்திருந்த இப்படத்தை தமிழகம் முழுவதும் ரெட் ஜெயண்ட் மூவீஸ் நிறுவனம் ரிலீஸ் செய்தது. இப்படம் தற்போது 100 நாட்களை கடந்துள்ளது. இதற்கான வெற்றிவிழா சென்னையில் நடைபெற்றது. இவ்விழாவில் இந்தப்படத்தில் பணியாற்றிய அனைவருக்கும் விருதுகள் வழங்கப்பட்டது.
Ponnambalam: சிறுநீரக மாற்று அறுவை சிகிச்சை வெற்றி: நன்றி தெரிவித்த பொன்னம்பலம்.!
இவ்விழாவில் பேசிய பிரதீப் ரங்கநாதன், என்னை நாயகனாக அறிமுகப்படுத்த பலரும் யோசித்தனர். ஏஜிஎஸ் நிறுவனம்தான் அறிமுக நாயகனாக இருந்தாலும் பரவாயில்லை என்று கதையின் மீது நம்பிக்கை வைத்து ‘லவ் டுடே’ படத்தை இயக்கினார்கள் என்று தெரிவித்தார்.
காதலர் தினத்தின் மனைவியுடன் பழனி முருகன் கோவிலுக்கு வந்த கெளதம்: மனமுருகி பிரார்த்தனை.!
மேலும் கோமாளி படத்தின் வெற்றிக்கு திரைத்துறையில் பெரிதாக எனக்கு பாராட்டுக்கள் கிடைக்கவில்லை என்ற தனது வருத்தத்தை பதிவு செய்தார். மேலும் இந்தப்படத்தின் வெற்றி தனக்கு மகிழ்ச்சியை கொடுத்திருப்பதாகவும் பிரதீப் தெரிவித்துள்ளார். இவ்விழாவில் ‘லவ் டுடே’ படத்தில் பணியாற்றிய ஒவ்வொரு தொழில்நுட்ப கலைஞர்கள் அனைவரின் பெயரை சொல்லியும் அவர்களுக்கு நன்றி தெரிவித்ததுடன் விருதுகளும் வழங்கப்பட்டுள்ளது.