தமிழ் சினிமாவில் ரசிகர்கள் பட்டாளம் உள்ள இயக்குனர்களின் எண்ணிக்கை குறைவு. அந்த வரிசையில் இருப்பவர் வெற்றிமாறன். தனது தரமான படைப்புகள் ஏகப்பட்ட ரசிகர்கள் கூட்டத்தை வைத்துள்ளார். தங்களின் பேவரைட் ஹீரோக்கள் இவருடன் ஒரு படமாவது இணைந்து பணியாற்ற வேண்டும் என பலரும் எதிர்பார்ப்பது வழக்கம். இந்நிலையில் வெற்றிமாறன் டபுள் ஹீரோ சப்ஜெக்டில் படம் ஒன்று இயக்கவுள்ளதாக இணையத்தில் தகவல்கள் வெளியாகி தீயாய் பரவி வருகிறது.
வெற்றிமாறன் இயக்கத்தில் கடைசியாக ‘அசுரன்’ படம் வெளியானது. எப்போது ரசிகர்கள் விரும்பும் பேவரைட் காம்போவான தனுஷ், வெற்றி இந்தப்படத்தில் இணைந்தது. ‘அசுரன்’ படத்திற்கு கிடைத்த அமோக வரவேற்பை தொடர்ந்து ‘விடுதலை’ படத்தை இயக்க ஆரம்பித்தார் வெற்றிமாறன். சூரி முன்னணி கதாபாத்திரத்திலும், விஜய் சேதுபதி முக்கியமான கதாபாத்திரத்திலும் நடிக்க இந்தப்படம் துவங்கியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
வெற்றிமாறன் இயக்கத்தில் அட்டக்கத்து தினேஷ் நடித்து வெளியான ‘விசாரணை’ படம் போலவே இந்தப்படத்தையும் வித்தியாசமாக இயக்கி வருகிறார் வெற்றிமாறன். எழுந்தாளர் ஜெயமோகனின் ‘துணைவன்’ நாவலை அடிப்படையாக வைத்து இந்தப்படம் உருவாகியுள்ளது. எல்ரெட் குமார் தயாரிக்கும் இந்தப்படத்திற்கு இசைஞானி இளையராஜா இசையமைத்துள்ளார்.
‘விடுதலை’ படத்தின் இரண்டு பாகங்களின் படப்பிடிப்பும் நிறைவடைந்துள்ளது. இந்தப்படத்திற்கான ரிலீஸ் வேலைகள் மும்முரமாக நடந்து வரும் நிலையில் வெற்றிமாறன் புதிய படம் ஒன்றை இயக்கவுள்ளதாக தகவல்கள் வெளியாகியுள்ளன. தனுஷ், ஜுனியர் என்.டி.ஆர் இரண்டு பேரையும் வைத்து வெற்றிமாறன் படம் இயக்கயிருப்பதாக கூறப்படுகிறது.
Pattiyal Sekar: தயாரிப்பாளர் பட்டியல் சேகர் திடீர் மரணம்: சோகத்தில் திரையுலகம்.!
கடந்த வருடம் ராஜமெளலி இயக்கத்தில் வெளியான ‘ஆர் ஆர் ஆர்’ படத்தில் இவரின் நடிப்பு பலரின் பாராட்டுக்களை குவித்தது. இந்நிலையில் என்டிஆர், தனுஷ் இருவரையும் வைத்து வெற்றிமாறன் படம் இயக்கவுள்ளதாக வெளியான தகவல் ரசிகர்கள் மத்தியில் உச்சக்கட்ட எதிர்பார்ப்பை கிளப்பியது. இந்த செய்தி இணையத்தில் வைரலாகி வரும் நிலை இந்த தகவல் முழுக்க முழுக்க வதந்தி என சினிமா வட்டாரங்கள் தெரிவித்துள்ளன.
Karu Palaniappan: ‘தமிழா தமிழா’ நிகழ்ச்சியிலிருந்து விலகல்: கரு பழனியப்பன் கூறிய பரபர காரணம்.!
இதனால் ரசிகர்கள் ஷாக்காகியுள்ளனர். ‘விடுதலை’ படத்தினை தொடர்ந்து வெற்றிமாறன் ‘வாடிவாசல்’ படத்தை இயக்கவுள்ளார். சூர்யா நடிப்பில் கலைப்புலி தாணு தயாரிப்பில் இந்தப்படம் உருவாகவுள்ளது. இந்தப்படத்திற்காக ரசிகர்கள் நீண்ட காலமாக காத்து கொண்டிருக்கின்றனர். வெற்றிமாறனின் ‘விடுதலை’ படம் வரும் 30 ஆம் தேதி வெளியாகவுள்ளது குறிப்பிடத்தக்கது.