நடிகர் அஜித்தின் லேட்டஸ்ட் புகைப்படம் இணையத்தில் வெளியாகி ‘ஏகே 62’ படத்திற்கான லுக்காக இருக்குமோ என்ற எதிர்பார்ப்பை ரசிகர்கள் மத்தியில் ஏற்படுத்தியுள்ளது.
ஏகே 62அஜித்தின் ‘ஏகே 62’ அறிவிப்பு எப்போதும் வெளியாகும் என ரசிகர்கள் வழி மேல் விழி வைத்து காத்து கொண்டிருக்கின்றனர். ஆனால் இப்போது வரை இந்தப்படத்தின் இயக்குனர் குறித்து எந்த தகவலும் வெளியாகாமல் இருக்கிறது. இந்நிலையில் அஜித்தின் லேட்டஸ்ட் புகைப்படம் வெளியாகி இணையத்தில் வைரலாகி வருகிறது. அவரின் ரீசன்ட் லுக் ‘ஏகே 62’ படத்திற்கானதா? என ரசிகர்கள் ஆர்வமுடன் கமெண்ட் அடித்து வருகின்றனர்.
துணிவுகடந்த ஜனவரியில் அஜித் நடிப்பில் ‘துணிவு’ படம் வெளியானது. நேர்கொண்ட பார்வை, வலிமை படத்தினை தொடர்ந்து மூன்றாவது முறையாக எச். வினோத், போனி கபூர், அஜித் கூட்டணி துணிவில் இணைந்தது. இந்தப்படத்தில் அஜித்துடன் மஞ்சு வாரியர், சமுத்திரக்கனி, வீரா, ஜான் கொக்கன், அமீர், பாவனி, சிபி உள்ளிட்டோர் இணைந்து நடித்தனர்.
வசூல் சாதனை படைத்த துணிவுபொங்கல் வெளியீடாக வாரிசு படத்துடன் மோதியது துணிவு. இந்தப்படம் உலகளவில் 300 கோடிக்கும் அதிகமாக வசூல் செய்துள்ளதாக கூறப்படுகிறது. ‘துணிவு’ பட ரிலீசுக்கு முன்பாகவே அஜித்தின் அடுத்த படத்தின் அறிவிப்பு வெளியானது. இதனால் ரசிகர்கள் உச்சக்கட்ட எதிர்பார்ப்பில் இருந்தனர்.
விலகிய விக்னேஷ் சிவன்லைகா தயாரிப்பில் விக்னேஷ் சிவன் இயக்கத்தில் அனிருத் இசையமைப்பில் ‘ஏகே 62’ படம் உருவாவதாக அதிரடியான அறிவிப்பு வெளியானது. இந்நிலையில் திடீரென இந்தப்படத்தின் கதை அஜித்துக்கு பிடிக்காததால் அவர் இந்தப்படத்திலிருந்து விலகியதாக கூறப்பட்டது. மேலும் இதனை உறுதி செய்யும் விதமாக விக்னேஷ் சிவன் தனது ட்விட்டரின் முகப்பு பக்கத்திலிருந்த அஜித்தின் புகைப்படத்தை இயக்கினார்.
அஜித்துடன் இணைந்த மகிழ் திருமேனி’ஏகே 62′ படத்திலிருந்து விக்னேஷ் சிவன் விலகியதை தொடர்ந்து மகிழ் திருமேனி ‘ஏகே 62’ படத்தை இயக்கும் வாய்ப்பை கைப்பற்றினார். தடையற தாக்க, மீகாமன், தடம் மற்றும் அண்மையில் வெளியான கலகத் தலைவன் உள்ளிட்ட படங்களை இயக்கியவர் மகிழ் திருமேனி. சஸ்பென்ஸ் த்ரில்லருடனான ஆக்ஷன் படங்களை இயக்கும் மகிழுடன் அஜித் இணைந்துள்ளது ரசிகர்கள் மத்தியில் எக்கச்சக்க எதிர்பார்ப்பை கிளப்பியுள்ளது.
அஜித்தின் லேட்டஸ்ட் லுக்இந்நிலையில்அஜித்தின் லேட்டஸ்ட் புகைப்படம் இணையத்தில் தீயாய் பரவி வருகிறது. அதில் சால்ட் அன்ட் பெப்பர் ஹேர்ஸ்டைலில், கூலிங் கிளாஸ் கண்ணாடியுடன், ஸ்மார்ட்டான ஸ்டைலிஷ் லுக்கில் அஜித் இருக்கும் புகைப்படம் ரசிகர்கள் மத்தியில் எக்கச்சக்க எதிர்பார்ப்பை கிளப்பியுள்ளது. ‘ஏகே 62’ படத்தில் அஜித்தின் லுக் இதுவாக இருக்குமோ என ரசிகர்கள் கொண்டாட்டத்துடன் கமெண்ட் அடித்து வருகின்றனர். மேலும், விரைவில் ‘ஏகே 62’ படம் குறித்த அறிவிப்பும் வெளியாகும் என எதிர்பார்க்கப்படுகிறது.