மாநாடு, வெந்து தணிந்தது காடு படங்களின் வெற்றிகளை தொடர்ந்து சிம்பு எந்தவொரு படங்களிலும் கமிட் ஆகாமல் இருந்தார். இதனால் சிம்புவை வைத்து யார் படம் என்ற எதிர்பார்ப்பு ரசிகர்கள் மத்தியில் எழுந்தது. இதில் மிஷ்கின், ஏ.ஆர். முருகதாஸ் உள்ளிட்டோர்கள் பெயர்கள் அடிப்பட்டது. இந்நிலையில் சிம்பு நடிக்கவுள்ள புதிய படம் குறித்த அதிரடி அறிவிப்பை படக்குழுவினர் வெளியிட்டுள்ளனர்.
சிம்பு உடல் எடையை அதிகமாக ட்ரோல் செய்யப்பட நிலையில் ‘மாநாடு’ படத்தின் மூலம் வேறலெவல் கம்பேக் கொடுத்தார். வெங்கட் பிரபு இயக்கத்தில் யுவன் ஷங்கர் இசையில் வெளியான இந்தப்படம் பாக்ஸ் ஆபிஸில் மிகப்பெரிய சாதனை படைத்தது. ‘மாநாடு’ படத்தில் கிடைத்த தரமான கம்பேக்கிற்கு பிறகு சிம்பு தனது ஆஸ்தான இயக்குனருடன் கூட்டணி அமைத்தார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
விண்ணத்தாண்டி வருவாயா, அச்சம் என்பது மடமையடா படங்களை தொடர்ந்து மூன்றாவது முறையாக சிம்பு, கெளதம் மேனன் கூட்டணி ‘வெந்து தணிந்தது காடு’ படத்தில் இணைந்தது. கமலின் நாயகன் பட பாணியில் கேங்க்ஸ்டர் படமாக இந்தப்படம் வெளியானது. ‘வெந்து தணிந்தது காடு’ படத்திற்கு கிடைத்த பிரம்மாண்ட வரவேற்பை தொடர்ந்து அதன் இரண்டாம் பாகம் உருவாகவுள்ளதாகவும் படக்குழுவினர் அறிவித்தனர்.
AK 62, Ajith: ‘ஏகே 62’ பட லுக்கா.? வெறித்தனமா இருக்கே: தீயாய் பரவும் அஜித்தின் புகைப்படம்.!
இந்தப்படங்களை தொடர்ந்து சிம்பு எந்த புதிய படத்திலும் கமிட் ஆகாமல் இருந்தார். இதனிடையில் கன்னடத்தில் வெளியாகி ஹிட்டடித்த ‘முப்தி’ படத்தின் தமிழ் ரீமேக்கில் சிம்பு நடித்து முடித்துள்ளார். கெளதம் கார்த்திக், கலையரசன், டிஜே, ப்ரியா பவானி ஷங்கர் உள்ளிட்டோர் நடித்துள்ள இந்தப்படத்திற்கான புரமோஷன் பணிகள் தற்போது தீவிரமாக நடந்து வருகிறது. வரும் 30 ஆம் தேதி ‘பத்து தல’ படம் ரிலீசாகவுள்ளது.
Ponniyin Selvan 2:ஹேய் எப்புட்றா… குந்தவையாக மாறிய திரிஷாவின் வேறலெவல் வீடியோ.!
இந்நிலையில் சிம்புவின் அடுத்த படம் குறித்த அதிகாரப்பூர்வ அறிவிப்பு தற்போது வெளியாகியுள்ளது. கமலின் ராஜ்கமல் பிலிம்ஸ் தயாரிப்பில் உருவாகவுள்ள இந்தப்படத்தை தேசிங்கு பெரியசாமி இயக்குகிறார். சிம்புவின் 48 வது படமாக இந்தப்படம் உருவாகவுள்ளது. இதற்காக படக்குழு வெளியிட்டுள்ள வீடியோவில் படம் அடுத்தாண்டு ரிலீசாகவுள்ளதாகவும் அறிவித்துள்ளனர்.
கண்ணும் கண்ணும் கொள்ளையடித்தால் படத்திற்கு பிறகு ரஜினியை வைத்து தேசிங்கு பெரியசாமி படம் இயக்கவுள்ளதாக தகவல்கள் வெளியானது. இந்நிலையில் தான் ரஜினிக்காக ரெடியான ஸ்கிரிப்டில் சிம்பு நடிக்கவுள்ளதாக கூறப்படுகிறது. மேலும் இந்தப்படம் மிகப்பெரிய பட்ஜெட்டில் உருவாகவுள்ளதாகவும் தகவல்கள் வெளியாகியுள்ளன. இதனால் சிம்பு ரசிகர்கள் உச்சக்கட்ட எதிர்பார்ப்பில் உள்ளனர்.