மாற்றுத் திறனாளிகளுக்கு வீட்டு மனை பட்டா: மாவட்ட ஆட்சியர்களுக்கு இறையன்பு கடிதம்!

தமிழ்நாட்டில் பல்வேறு மாவட்டங்களில் வசிக்கும் மாற்றுத் திறனாளிகளுக்கு இலவச வீடு, வீட்டு மனை மற்றும் பட்டா வழங்குவது தொடர்பாக தலைமைச் செயலாளர் இறையன்பு கடிதம் எழுதியுள்ளார்.

சமூக நலம் மற்றும் மகளிர் உரிமைத் துறை அமைச்சர் தலைமையில், தலைமைச் செயலாளர் முன்னிலையில், பல்வேறு வகையான மாற்றுத்திறனாளிகள் சங்க பிரதிநிதிகளுடன் 8.4.2022இல் கலந்தாலோசனைக் கூட்டம் நடைபெற்றது.

அந்தக் கூட்டத்தில், மாற்றுத்திறனாளிகள் நலச்சங்கங்கள், வீட்டுமனைப் பட்டா கோரும் மாற்றுத்திறனாளிகளின் விவரங்களை தொகுத்து வருவாய்த் துறையிடம் சமர்ப்பிக்குமாறு தலைமைச் செயலாளர் இறையன்பு அனைத்து மாவட்ட ஆட்சித் தலைவர்களுக்கும் அறிவுறுத்தி கடிதம் எழுதியுள்ளார்.

அந்த கடிதத்தில், “வறுமைக் கோட்டிற்கு கீழ் உள்ள மாற்றுத்திறனாளிகளுக்கு அடிப்படை தகுதி மற்றும் முன்னுரிமை அடிப்படையில் வீட்டுமனைப்பட்டா வழங்கும் பொருட்டு, நடைமுறையிலுள்ள நில முன்னுரிமை பட்டியலில் மாற்றுத்திறனாளிகளை சேர்த்து வெளியிடப்பட்டுள்ளது.

எனவே, அரசாணையின்படியும் மற்றும் சமூக நலம் மற்றும் மகளிர் உரிமைத் துறை அமைச்சர் தலைமையில், தலைமைச் செயலாளர் முன்னிலையில் மாற்றுத்திறனாளிகள் சங்க பிரதிநிதிகளுடன் 8.4.2022 அன்று நடைபெற்ற கலந்தாலோசனைக் கூட்டத்தில் அறிவுறுத்தியுள்ளவாறும், மாவட்ட வாரியாக வீட்டுமனைப் பட்டா கோரும் மாற்றுத்திறனாளிகளின் மனுக்களை பெற்று, அதன் மீது உரிய நடவடிக்கை எடுத்து, எடுக்கப்பட்ட நடவடிக்கையின் விவரத்தினை அரசுக்கு உடன் அனுப்பி நடைப்பெற்ற வைக்குமாறு தங்களைக் கேட்டுக் கொள்கிறேன்.” என்று தெரிவித்துள்ளார்.

Leave a Comment

This site uses Akismet to reduce spam. Learn how your comment data is processed.