எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
Meta நிறுவனத்தின் கட்டுப்பாட்டில் இருக்கும் Whatsapp நிறுவனம் புதிய வசதிகளை தொடர்ந்து அறிமுகம் செய்துகொண்டே வருகிறது. அதன்படி 2023 ஆம் ஆண்டு பல புதுமையான வசதிகளை வெளியிட திட்டம் வைத்துள்ளது.
இந்த புதிய திட்டங்களில் புதிய பயனர் அனுபவம், சிறப்பான மெசேஜிங், ஆடியோ மெசேஜ் என பல புதுமையான விஷயங்களை வெளியிடவுள்ளது. இவை இப்போது Beta சோதனையில் உள்ளன. இவை ஆண்ட்ராய்டு மற்றும் iOS என இரண்டு சாதனங்களிலும் கிடைக்கும். மேலும் புதிய Desktop App ஒன்றையும் அறிமுகம் செய்யவுள்ளது.
Message edit செய்யலாம்
நாம் அனுப்பும் சில மெசேஜ் தவறாக டைப் செய்துவிட்டால் அனுப்பிய பின்னர் அவற்றை டெலீட் செய்து மீண்டும் அனுப்புவதற்கு பதிலாக அவற்றை நேரடியாக எடிட் செய்யலாம். ஆனால் இதற்கு 15 நொடிகள் மட்டுமே அவகாசம் கொடுக்கப்படும். அதற்குள் எடிட் செய்யவேண்டும். இல்லையென்றால் மீண்டும் எடிட் செய்யமுடியாது.
15 புதிய Message Duration
நாம் இப்போது பயன்படுத்தும் Disappearing messages மூலம் நாம் sender மற்றும் Receiver என இருவருக்கும் சேர்த்து 24 மணிநேரத்தில் மெசேஜ் மறையும் ஆப்ஷன் உள்ளது. ஆனால் இதில் புதிதாக தனித்தனியாக நாம் ஆப்ஷன்கள் வைத்துக்கொள்ளலாம். உதாரணமாக Sender 24 மணிநேரம் Duration மற்றும் Receiver 7 நாட்கள் அல்லது 90 நாட்கள் கூட Disappearing Messages வைத்துக்கொள்ளமுடியும்.
கூடுதலாக 15 புதிய Time Duration வசதிகளாக 1 வருடம், 180 நாட்கள், 60 நாட்டல், 30 நாட்கள், 21 நாட்கள், 14 நாட்கள், 6 நாட்கள், 5 நாட்கள், 3 நாட்கள், 2 நாட்கள், 12 மணிநேரம், 6 மணிநேரம், 3 மணிநேரம், 1 மணிநேரம் என இதனை ஆப்ஷன்கள் உள்ளன. இவற்றை பயன்படுத்த More options செல்லவேண்டும்.
Pinning Messages
நாம் ஒருவருடன் சேட் செய்யும்போது அவரின் பக்கத்தை Pin செய்வதன் மூலம் நாம் மீண்டும் வெளியில் சென்று திரும்பும்போது அவருடன் சுலபமாக மீண்டும் Chat துவக்கலாம். இது App pinning போல வேலை செய்யும். அதாவது அந்த நபரின் Chat பக்கம் நீங்காமல் அப்படியே முன்னிலையில் இருக்கும்.
View Once Audio
நாம் யாருக்காவது ஏதாவது ஆடியோ மெசேஜ் அனுப்பினால் அது குறிப்பிட்ட காலத்திற்கு பிறகு தானாகவே மறையும் வகையில் புதிய வசதி வெளியாகும். இதில் ‘Listen Once’ ஆடியோ வசதியும் உள்ளது.
Audio Chats
நாம் மெசேஜ் மூலம் சேட் செய்வதுபோல இதில் தனியாக Audio Chat வசதி இடம்பெறும். இதனால் மேலும் பயனர்களின் அனுபவம் மேம்படும். இந்த Audio Chat option விரைவில் வெளியாகும்.
செய்திகளை உடனுக்குடன் படிக்க கூகுள் நியூஸ்ல் ‘சமயம் தமிழ்’ இணையதளத்தை பின் தொடருங்கள்