ப்ச்.. அந்த ரூல்ஸ் தெரியுமா தெரியாதா? முகத்தை சுளித்த ராயுடு.. மேட்சிற்கு இடையே நடந்த பரபர சம்பவம்

இந்த மேட்சில் தொடக்கத்தில் இருந்தே சிஎஸ்கே அணி அதிரடியாக ஆடி வருகிறது. விக்கெட்டுகளை இழந்தாலும் இன்னொரு பக்கம் சிஎஸ்கே பேட்ஸ்மேன்கள் அதிரடியாக ஆடி வருகின்றனர். இன்று கான்வே மட்டுமே சிஎஸ்கே அணியில் நிதானமாக ஆடினார். பொதுவாக கான்வே மெதுவாக ஆட கூடியவர். முதல் 10 பந்துகளை மெதுவாக ஆடி அதன்பின் வேகம் எடுக்க கூடியவர். ஆனால் இன்று தொடக்கத்தில் இருந்து கான்வே மிகவும் மெதுவாக ஆடினார். அதோடு பந்து சரியாக பேட்டில் மாட்டாமல் திணறினார். 6 பந்துகள் பிடித்தவர் வெறும் 1 ரன் மட்டுமே எடுத்தார். அதன்பின் ஷமி பந்தில் கிளீன் போல்ட் ஆனார்.

ஆனால் அதன்பின் ருத்துராஜ் – மொயின் அலி இரண்டு பேருமே சிக்ஸ் பவுண்டரி என்று அதிரடி காட்ட தொடங்கினார்கள். 17 பந்துகள் பிடித்த மொயின் அலி 4 பவுண்டரி, 1 சிக்ஸ் என்று 23 ரன்கள் எடுத்தார். அவரின் ஆட்டம் மிக சிறப்பாக இருந்த நிலையில் ரஷீத் கான் ஓவரில் அவுட்டானார். ஆனால் இன்னொரு பக்கம் ருத்துராஜ் கவலையின்றி சிக்ஸ் பவுண்டரி என்று அடித்தார். இந்த சீஸனின் முதல் சிக்ஸ், பவுண்டரியை அடித்தவர் அதிரடியாக ஆடி முதல் அரை சதத்தையும் அடித்தார்.

தற்போது வரை 36 பந்தில் 8 சிக்ஸ், 4 பவுண்டரி என்று 75 ரன்களை ருத்துராஜ் எடுத்துள்ளார். இன்னொரு பக்கம் அம்பதி ராயுடுவும் வேகமாக ஆடிக்கொண்டு இருந்தார். 11 பந்தில் 1 சிக்ஸ் அடித்த அவர் 12 ரன்கள் எடுத்திருந்த நிலையில் ஜோஸ்வா லிட்டில் பந்தில் போல்ட் ஆனார். அவர் வீசிய 10.3 பந்தில் ராயுடு திரும்பி பந்தை சிக்ஸ் அடிக்க பார்த்தார். லேசாக நகர்ந்து அவர் சிக்ஸ் அடிக்க முயன்றார். ஆனால் பந்து வைட் போல சென்றது. ஆனால் நடுவர் வைட் கொடுக்கவில்லை.

ராயுடு லேசாக நகர்ந்துவிட்டதால் நடுவர் வைட் கொடுக்கவில்லை. இதனால் ராயுடு கோபம் அடைந்து முகத்தை சுளித்தார். ஏன் வைட் கொடுக்கவில்லை என்பது போல முகத்தை சுருக்கி பார்த்தார். பொதுவாக நடுவர் வைட் கொடுக்கவில்லை அதை கேள்வி கேட்க முடியாது. ஆனால் இந்த ஐபிஎல் சீசனில் இம்பாக்ட் பிளேயர் விதி கொண்டு வரப்பட்டது போலவே தற்போது வைடிற்கு ரிவ்யூ கேட்கும் விதியும் கொண்டு வரப்பட்டு உள்ளது. இந்த ரூல்ஸ் ராயுடுவிற்கு தெரியுமா என்று தெரியவில்லை.