5 மொழிகளில் மாஸ்டர் மகேந்திரனின் புதிய படம்

90 காலகட்டத்தில் குழந்தை நட்சத்திரமாக தமிழ் சினிமாவில் உள்ள பெரும்பாலான முன்னணி நடிகர்களின் படத்தில் நடித்தவர் மாஸ்டர் மகேந்திரன். 'விழா' என்ற படத்தின் மூலம் கதாநாயனாக அறிமுகமானார். அதன் பின்னர் 'மாஸ்டர்' படத்தில் நடித்து பிரபலமானார். தற்போது 'அறிண்டம்', 'அர்த்தம்'. 'கரா', 'அமிகோ கேரேஜ்', 'ரப்பப்பரி' ஆகிய படங்களில் கதாநாயகனாக நடித்துள்ளார். இந்த படங்கள் ஒவ்வொன்றாக ரிலீஸ்க்கு தயாராகி வருகிறது.

அடுத்து அவர் நடிப்பில் 'நீலகண்டா' என புதிய படம் உருவாகி வருகிறது. நேற்று இப்படத்தின் போஸ்டர் வெளியிடப்பட்டது. இதை ராகேஷ் மாதவன் என்பவர் இயக்கி வருகிறார். எல்.எஸ்.புரொக்ஷன்ஸ் நிறுவனம் தயாரிக்கின்றனர். பிரசாந்த் பிஜி இசையமைப்பாளராக பணியாற்றி வருகிறார். இந்த படம் தமிழ், தெலுங்கு, இந்தி, கன்னடம், மலையாளம் என பான் இந்தியா படமாக உருவாகி வருகிறது என்பது குறிப்பிடத்தக்கது.

Leave a Comment

This site uses Akismet to reduce spam. Learn how your comment data is processed.