Pathu thala: சிம்புவின் பத்து தல படத்தின் முதல் நாள் வசூல் இவ்வளவா ? அடேங்கப்பா..!

எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
சிம்பு நடிப்பில் கிருஷ்ணாவின் இயக்கத்தில் பல போராட்டங்களுக்கு பிறகு வெளியான திரைப்படம் தான் பத்து தல. இப்படத்தில் சிம்புவுடன் இணைந்து கௌதம் கார்த்திக்கும் நடித்துள்ளார். கன்னட படமான MUFTI படத்தின் தமிழ் ரீமேக் தான் இந்த பத்து தல.

இப்படத்தை கடந்த 2019 ஆம் ஆண்டு துவங்கினர். அதன் பிறகு கொரோனா ஊரடங்கு, நிதி பிரச்சனை போன்ற பல பிரச்சனைகளில் சிக்கி இப்படம் ஒருவழியாக நேற்று திரையில் வெளியானது. சிம்புவின் படங்கள் சமீபகாலமாக தொடர்ந்து வெற்றிபெற்று வருவதாலும், இப்படத்தின் ட்ரைலர் மற்றும் பாடல்கள் ரசிகர்களின் வரவேற்பை பெற்றுள்ளதாலும் ரசிகர்கள் மத்தியில் இப்படத்திற்கு மிகப்பெரிய எதிர்பார்ப்பு இருந்தது.

Pathu thala: விஜய் – அஜித்திற்கு பிறகு சிம்பு செய்த சாதனை..கெத்து காட்டும் பத்து தல..!

இந்நிலையில் நேற்று பத்து தல திரைப்படம் வெளியான நிலையில் ரசிகர்களிடம் பாசிட்டிவான விமர்சனங்களையே பெற்று வருகின்றது. என்னதான் இப்படம் ரீமேக் படமாக இருந்தாலும் தமிழ் ரசிகர்களுக்கு ஏற்றவாறு கிருஷ்ணா இப்படத்தில் பல மாற்றங்களை செய்து இருந்தார்.

அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்

முதலில் இப்படத்தில் சிம்பு கெஸ்ட் ரோலில் நடிப்பதாகவே இருந்தது. அதன் பிறகு தயாரிப்பாளர் மற்றும் இயக்குனர் விரும்பியதால் சிம்புவின் சீனை அதிகரித்து அவரை முன்னிலைப்படுத்தி இப்படத்தை எடுத்துள்ளனர்.

இதன் காரணமாகவே இப்படத்தின் மீதான எதிர்பார்ப்பு பல மடங்கு உயர்ந்தது. எனவே இப்படத்தின் முன்பதிவு அமோகமாக இருந்துள்ளது. இந்நிலையில் நேற்று வெளியான இப்படத்தின் முதல் நாள் வசூல் அமோகமாக இருந்துள்ளதாக தகவல் வந்துள்ளது. நேற்று வெளியான இப்படம் தமிழ்நாட்டில் மட்டும் மொத்தம் ஏழு கோடி வசூலித்துள்ளதாக தகவல்கள் வருகின்றன.

இதற்கு மிக முக்கிய காரணம் நடிகர் சிம்பு தான். என்னதான் இப்படத்தில் சிம்பு இன்டெர்வல் காட்சியில் தான் வந்தாலும் படத்தில் அவரின் ஆதிக்கமே நிறைந்து இருந்தது. சிம்பு வரும் ஒவ்வொரு காட்சியும் அவரது ரசிகர்களுக்கு செம ட்ரீட்டாக இருந்துள்ளது. மேலும் சிம்பு ரசிகர்கள் உட்பட பொதுவான ரசிகர்களுக்கும் இப்படம் பிடித்துள்ளதால் இனி வரும் நாட்களில் வசூல் பெருகும் என எதிர்பார்க்கப்படுகின்றது.

Leave a Comment

This site uses Akismet to reduce spam. Learn how your comment data is processed.