உலகின் எந்த மூலையில் என்ன நடந்தாலும் நொடிப் பொழுதில் சோஷியல் மீடியாவில் ஷேர் ஆகிவிடுகிறது. ஷேர் செய்யப்படும் பதிவை பொறுத்தது அது ட்ரெண்ட்டாவதும் ட்ரெண்ட் ஆகாததும். என்ன பதிவை யார் ஷேர் செய்தாலும் அதை பலர் பார்ப்பார்கள், சிலர் லைக் செய்வார்கள். சில பதிவுகள் வைரலாகி சோஷியல் மீடியாவை திணறடிக்கும்.
சில பதிவுகளுக்கு கற்பனை செய்து கூட பார்க்க முடியாத அளவுக்கு கமெண்டுகளை பதிவிட்டு திணறடிப்பார்கள் நெட்டிசன்கள்.
அந்த வகையில் இளம் பெண் ஷேர் செய்த ஒரு போட்டோவை வைத்து அவரையே திக்குமுக்காட வைத்துள்ளனர் நெட்டிசன்கள். அதாவது ஜெனி என்ற இளம் பெண் ஒருவர், செருப்புக் கடையில் தனக்கான காலணி வாங்கிவிட்டு அங்கிருந்த மிரர் முன்பு செல்வி எடுத்துள்ளார். அந்த செல்பியை தனது டிவிட்டர் பக்கத்தில் ஷேர் செய்த ஜெனி, இந்த போட்டோவின் பேக் கிரவுண்டை யாராவது மாற்ற முடியுமா என கேட்டிருந்தார்.
இதனை பார்த்த நெட்டிசன்கள் விதவிதமான கேப்ஷன்களை கொடுத்து ஜெனியை திக்குமுக்காட வைத்துள்ளனர். ஜெனியின் பதிவை பார்த்த இந்த நெட்டிசன், ஜெனிக்கு தேவதைகளுக்கு இருப்பதை போன்று சிறகுகள் வைத்து அவர் வான் வெளியில் பரப்பதை போன்று எடிட் செய்து சர்ப்ரைஸ் கொடுத்துள்ளார்.
மற்றொரு நெட்டிசனான இவர், ஜெனி நிலவில் இருப்பது போல் எடிட் செய்துள்ளார். மேலும் அந்த பதிவுக்கு (Moon)² என கேப்ஷன் கொடுத்துள்ளார் அந்த நெட்டிசன். இதுபோன்று நெட்டிசன்கள் பலரும் ஜெனியின் போட்டோவில் தங்களின் திறமையை காட்டியுள்ளனர். ஜெனியின் போட்டோவும் அதற்கான பேக் கிரவுண்டும் தற்போது ட்ரெண்ட்டாகி வருகிறது. மேலும் ஜெனியின் போட்டோவுக்கு லைக்ஸ்களும் குவிந்து வருகின்றன.