இதுவரை இல்லாத குறைந்த விலை- Amazon Great Summer Sale இல் ரூ.899 முதல் ஸ்மார்ட்வாட்ச்களைப் பெறுங்கள்
ரஜினி தற்போது நெல்சனின் இயக்கத்தில் ஜெயிலர் படத்தில் நடித்து முடித்துள்ளார்.சமீபகாலமாக ரஜினியின் படங்கள் எதிர்பார்த்த வெற்றியை பெறாத நிலையில் ஜெயிலர் படத்தை தான் மலைபோல நம்பியுள்ளார் தலைவர். இப்படத்தின் மூலம் மிகப்பெரிய வெற்றியை பதிவு செய்து தான் யார் என நிரூபிக்கும் முனைப்பில் இருக்கின்றார் ரஜினி.
அதே சமயத்தில் ஜெயிலர் படத்தின் இயக்குனரான நெல்சனும் கட்டாய வெற்றியை எதிர்நோக்கி காத்துக்கொண்டிருக்கின்றனர். எனவே இருவரும் வெற்றிபெற வேண்டும் என்ற கட்டாயத்தில் இருப்பதால் ஜெயிலர் படத்தில் ஒவ்வொரு விஷயத்தையும் பார்த்து பார்த்து செய்து வருகின்றனர்.
Kamal: ரீரிலீஸ் வேணும்னு கேட்டியாமே..மீண்டும் வரும் ராகவன்..உலகநாயகன் போட்ட மாஸ்டர் பிளான்..!
அந்த வகையில் இப்படம் இந்தியளவில் ஒர்கவுட் ஆகவேண்டும் என்பதற்காக தென்னிந்தியாவில் இருக்கும் முன்னணி நடிகர்களை ஜெயிலர் படத்தில் நடிக்கவைத்துள்ளனர். மோகன்லால், ஷிவ்ராஜ்குமார், ஜாக்கி ஷாரூப் ஆகியோர் நடித்துள்ளனர். இந்நிலையில் ஜெயிலர் திரைப்படத்தின் ஒட்டுமொத்த படப்பிடிப்பும் முடிவடைந்து தற்போது போஸ்ட் ப்ரொடக்ஷன் வேலைகள் மிகத்தீவிரமாக நடைபெற்று வருகின்றது.
https://news.google.com/publications/CAAqBwgKMPOGqQsw5ZHBAw?hl=ta&gl=IN&ceid=IN%3Ata
இதையடுத்து ஆகஸ்ட் 10 ஆம் தேதி இப்படம் திரையில் மிகப்பிரமாண்டமாக வெளியாகவுள்ளது. அதையொட்டி ஜூலை மாதம் ஜெயிலர் படத்தின் இசை வெளியீட்டு விழா நடைபெற இருக்கின்றது. இதில் இந்திய சினிமாவில் இருக்கும் முன்னணி பிரபலங்கள் பலர் சிறப்பு விருந்தினராக கலந்துகொள்ள இருப்பதாக தெரிகின்றது.
இந்நிலையில் ஜெயிலர் படத்தின் போஸ்டர்கள், கிலிம்ப்ஸ் வீடியோ ரசிகர்களிடம் அமோகமான வரவேற்பை பெற்ற நிலையில் படத்தின் மீதான எதிர்பார்ப்பும் பலமடங்கு உயர்ந்துள்ளது. இப்படத்தின் படப்பிடிப்பு துவங்கிய நாளிலிருந்து அனைத்துமே பாசிட்டிவாக அமைந்துள்ளதாம். மேலும் சமீபத்தில் ஜெயிலர் படத்தில் இதுவரை எடுக்கப்பட்ட காட்சிகளை ரஜினி பார்த்துவிட்டு முழு திருப்தியாகவும் இருக்கிறாராம்.
எனவே இப்படம் தன்னை கண்டிப்பாக வெற்றிப்பாதைக்கு அழைத்துச்செல்லும் என மிகப்பெரிய நம்பிக்கையில் இருக்கின்றார் ரஜினி. இந்நிலையில் இப்படிப்பட்ட எதிர்பார்ப்பின் காரணமாக ஜெயிலர் படத்தின் ப்ரீபிசினஸ் அமோகமாக நடைபெற்று வருவதாக தகவல்கள் வருகின்றன.
அதன் படி இப்படத்தின் அயல்நாட்டு விநியோக உரிமை உட்பட டிஜிட்டல் உரிமை அனைத்தையும் சேர்த்து கிட்டத்தட்ட 400 கோடிவரை வியாபாரம் ஆகியுள்ளதாக தகவல்கள் வருகின்றன. எனவே இப்படம் ரிலீசுக்கு முன்பே பல கோடி வியாபாரமாகியுள்ளதால் ரிலீசுக்கு பிறகு இப்படம் வசூலில் மிகப்பெரிய சாதனையை படைக்கும் என எதிர்பார்க்கப்படுகின்றது குறிப்பிடத்தக்கது.