பாஜகவில் இருக்கும் போதே கட்சி நிர்வாகிகள் குறித்து விமர்சித்தார் காயத்ரி ரகுராம். இதனால் கட்சி சார்பில் அவர் மீது நடவடிக்கை எடுக்கப்பட்டது. அதன் பிறகு பாஜகவின் மாநில தலைவரான அண்ணாமலை உட்பட அவரது ஆதரவாளர்களை கிடைக்கும் கேப்பில் எல்லாம் காட்டமாக விமர்சித்து வருகிறார் காயத்ரி ரகுராம்.
அண்ணாமலையையும் தாண்டி தற்போது ஒட்டு மொத்த பாஜகவையும் விமர்சித்து வருகிறார். குறிப்பாக அண்ணாமலையின் பாத யாத்திரை பயணத்தை தொடங்கி வைத்த மத்திய அமைச்சர் அமித் ஷா, அண்ணாமலை ஒரு டிவீட் போட்டால் தமிழக அரசியலில் பூகம்பம் வருகிறது என்று கூறினார்.
அதனை விமர்சித்த காயத்ரி ரகுராம், அமித் ஷாவுக்கு கவுன்டர் கொடுக்கும் வகையில் அண்ணாமலையை கோமாளி என்று கூறினார். இதனை பார்த்த நெட்டிசன்கள், அமித்ஷாவுக்கே பதிலடி கொடுக்கிறாரே காயத்ரி ரகுராம் என கூறி வந்தனர். தொடர்ந்து அண்ணாமலையின் பாத யாத்திரை விமர்சித்து தனது டிவிட்டர் பக்கத்தில் பதிவிட்டு வருகிறார் காயத்ரி ரகுராம்.
இந்நிலையில் காரைக்குடியில் நடைபெற்ற அண்ணாமலை கூட்டத்தில் பங்கேற்ற பெண்களுக்கு சொம்பு வழங்கப்பட்டதாக தகவல் வெளியானது. இதற்கு தமிழக பாஜக நிர்வாகிகளில் ஒருவரான கிருஷ்ணா குமார் முருகன் என்பவர் மறுப்பு தெரிவித்திருந்தார். மேலும் அந்த சொம்பு காசியில் இருக்கும் நகரத்தார் சம்போ பூஜையின் போது உபயோகித்த கலச கும்பங்களை காரைக்குடியில் காசி நகரத்தாரின் நினைவாக நடை பயணத்தின் போது விநியோகம் செய்யப்பட்டது என விளக்கம் அளித்திருந்தார்.
இதனை பார்த்த காயத்ரி ரகுராம், நீங்கள் யாருடைய காதில் பூ சுற்றிக் கொண்டிருக்கிறீர்கள்? என கேள்வி எழுப்பியுள்ளார். நீங்கள் அந்த சொம்பை கடையில் இருந்து வாங்கி விநியோகம் செய்கிறீர்கள். மக்களை முட்டாள்கள் என்று நினைக்கிறீர்களா? என்று சரமாரியாக கேள்வி எழுப்பியுள்ளார். மேலும் ட்விட்டரில் டீ ஆத்துற வேலை செய்யாதே என்றும் இது ஊழல் இல்லையா? இது சுத்தமான அரசியலா? என்றும் கேட்டுள்ளார் காயத்ரி ரகுராம்.
அதுமட்டுமின்றி உங்கள் இலவசங்களுக்கு கோவில் மற்றும் கடவுள் பெயரை ஏன் பயன்படுத்துகிறீர்கள்? என்றும் ஒரு குறியீட்டு வழியில் கோமாளிகளுக்காக சொம்பு தூக்க கேட்கிறீர்கள் என்றும் விளாசியுள்ளார் காயத்ரி ரகுராம். காயத்ரி ரகுராமின் இந்த பதிவு தற்போது வைரலாகி வருகிறது.