துடிக்கும் கரங்கள் படத்தின் ரிலீஸ் தேதி அறிவிப்பு
காத்திருப்போர் பட்டியல் பட இயக்குனர் வேலு தாஸ் இயக்கத்தில் நடிகர் விமல் நடிப்பில் உருவாகி வரும் திரைப்படம் 'துடிக்கும் கரங்கள்'. இதில் மிஷா நரங், சதீஷ், சவுந்தர ராஜ் உள்ளிட்டோர் முக்கிய கதாபாத்திரத்தில் நடித்துள்ளனர். ஒடியன் டாக்கீஸ் நிறுவனம் இந்த படத்தின் தயாரித்துள்ளனர். விமல் நடிப்பில் முழுநீள ஆக்ஷன் படமாக இப்படம் உருவாகியுள்ளது. ஏற்கனவே இந்த படத்திலிருந்து இரண்டு பாடல்கள் வெளியாகி ரசிகர்களிடையே கவனத்தை ஈர்த்துள்ளது. முன்னதாக இந்த படம் ஆகஸ்ட்டில் ரிலீஸ் ஆகும் என தேதி குறிப்பிடாமல் கடந்தவாரம் அறிவித்தனர். இப்போது வருகின்ற ஆகஸ்ட் 25ம் தேதி அன்று இந்த படம் வெளியாகும் என படக்குழுவினர் புதிய போஸ்டர் உடன் அறிவித்துள்ளனர்.