‛ஓம் நமோ நாராயணா' : திருப்பதியில் மொட்டை போட்ட காயத்ரி ரகுராம்
சார்லி சாப்ளின் படம் மூலம் தமிழ் சினிமாவில் நாயகியாக அறிமுகமானவர் நடிகை காயத்ரி ரகுராம். தொடர்ந்து விசில், பரசுராம் உள்ளிட்ட பல படங்களில் நடித்தார். நடன இயக்குனராகவும் பணியாற்றி வந்தார். பிக்பாஸ் நிகழ்ச்சியிலும் கலந்து கொண்டு பிரபலமானார். பின்னர் பா.ஜ. கட்சியில் இணைந்து செயல்பட்டு வந்த இவர், அந்தக்கட்சியில் ஏற்பட்ட பிரச்னையால் விலகினார். தற்போது எந்த கட்சியிலும் இல்லாமல் உள்ளார்.
இந்நிலையில் திருப்பதி சென்ற காயத்ரி ரகுராம், ஏழுமலையானுக்காக வேண்டி மொட்டை போட்டுள்ளார். மொட்டை எடுத்த பின் எடுக்கப்பட்ட போட்டோவை பகிர்ந்து, ‛‛10 ஆண்டு வேண்டுதல். திருப்பதியில் நிறைவேற்றிவிட்டேன். ஓம் நமோ நாராயணா'' என குறிப்பிட்டு, கமலின் தசாவதாரம் படத்தில் வரும் ‛‛ஓம் நமோ நாராயணா'' என்ற பாடலையும் ஒலிக்கவிட்டுள்ளார்.