ரஜினியின் நடிப்பில் உருவாகியுள்ள ஜெயிலர் திரைப்படம் நாளை திரையில் வெளியாகவுள்ளது. இப்படத்தை காண ரசிகர்கள் ஆவலாக இருக்கும் நிலையில் ஜெயிலர் திரைப்படம் ப்ரீ புக்கிங்கில் மிகப்பெரிய சாதனையை படைத்து வருகின்றது.
நெல்சனின் இயக்கத்தில் அனிருத்தின் இசையில் உருவாகியுள்ள இப்படத்திற்கு நாளுக்கு நாள் எதிர்பார்ப்பு அதிகரித்து கொண்டே தான் இருக்கின்றது. முதன் முதலில் இப்படத்தில் இருந்து காவாலா என்ற பாடல் வெளியாகி பட்டிதொட்டி எங்கும் ஹிட்டடித்தது. இதையடுத்து ஹுக்கும் என்ற மாஸான பாடல் வெளியாகி பெரும் பரபரப்பை ஏற்படுத்தியது.
ரஜினியின் ஜெயிலர்
இப்பாடல் தான் ஜெயிலர் படத்தின் எதிர்பார்ப்பை பலமடங்கு உயர்த்தியது என சொல்லலாம். இந்நிலையில் ஜெயிலர் இசை வெளியீட்டு விழா சில நாட்களுக்கு முன்பு சென்னையில் மிகப்பிரமாண்டமான முறையில் நடைபெற்றது. இதில் பேசிய ரஜினி பல விமர்சனங்களுக்கு மத்தியில் நெல்சனை இயக்குனராக தேர்ந்தெடுப்பதற்கான காரணம் பற்றி வெளிப்படையாக கூறினார்.
Jailer: ஜெயிலர் படம் எப்படி இருக்கு ? ரஜினியின் அசத்தலான பதில் இதோ..!
அதாவது நெல்சனின் முந்தைய படமான பீஸ்ட் சரியாக போகவில்லை என்பதால் அவர் மீது பல விமர்சனங்கள் எழுந்தன. பலர் என்னிடம், நெல்சன் இயக்கத்தில் நடிப்பது சரியாக இருக்குமா ? என்றெல்லாம் கேட்டனர். ஆனால் எனக்கு நெல்சனின் மீது முழு நம்பிக்கை இருந்தது என கூறினார் ரஜினி.
இதைத்தொடர்ந்து நெல்சன் பேசுகையில், தயாரிப்பாளர் கலாநிதிமாறனிடம் ரஜினிக்கு முழு நம்பிக்கை இருந்தால் மட்டும் நான் இப்படத்தை இயக்குகிறேன் என கூறினேன். அதற்கு கலாநிதிமாறன், ரஜினிக்கு உங்கள் மீது அதீத நம்பிக்கை இருக்கு என்று கூறிய பின் தான் நான் இப்படத்தை இயக்க முழு மூச்சுடன் இறங்கினேன் என நெல்சன் கூறினார்.
நெல்சனின் சம்பளம்
இந்நிலையில் கோலமாவு கோகிலா மற்றும் டாக்டர் படங்களில் வெற்றியை ருசித்த நெல்சன் பீஸ்ட் மூலம் சற்று பின்னடைவை சந்தித்தார். இருந்தாலும் ரஜினியின் ஜெயிலர் படத்தை மிகப்பெரிய வெற்றிப்படமாக கொடுத்து மீண்டும் வெற்றிப்பாதைக்கு திரும்பும் முனைப்பில் இருக்கின்றார் நெல்சன். இதையடுத்து நெல்சன் ஜெயிலர் படத்தை இயக்குவதற்காக எவ்வளவு சம்பளம் வாங்கியுள்ளார் என்பதை பற்றிய தகவல் தற்போது வெளியாகியுள்ளது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
அதாவது ஜெயிலர் படத்தை இயக்குவதற்காக நெல்சன் கிட்டத்தட்ட 10 முதல் 15 கோடி வரை சம்பளமாக வாங்கியிருக்கலாம் என பேசப்பட்டு வருகின்றது. ஆனால் இதில் எந்தளவிற்கு உண்மை இருக்கின்றது என தெரியவில்லை. இருப்பினும் ஜெயிலர் திரைப்படம் மிகப்பெரிய வெற்றியை பெரும் பட்சத்தில் அடுத்த படத்திற்கான நெல்சனின் சம்பளம் பலமடங்கு உயரும் என எதிர்பார்க்கப்படுவது குறிப்பிடத்தக்கது.