நெல்சன் திலீப்குமார் இயக்கத்தில் ரஜினி நடித்து வெளியாகியுள்ள ‘ஜெயிலர்’ படத்தின் முதல் வார வசூல் குறித்த அதிகாரப்பூர்வ அறிவிப்பு வெளியாகியுள்ளது.
ஜெயிலர் பீவர்எந்தப்பக்கம் திரும்பினாலும் ஒரே ‘ஜெயிலர்’ பீவராக உள்ளது. அந்தளவிற்கு கடந்த இரண்டு வாரமாக தமிழ்நாடு மட்டுமல்லாமல் இந்தியா முழுக்க பட்டையை கிளப்பி வருகிறது ‘ஜெயிலர்’. வசூலை எல்லாம் தாண்டி எங்கள் விண்டேஜ் தலைவரை திரையில் காட்டியதற்கு நன்றி என இயக்குனர் நெல்சனுக்கு கோவில் கட்டாத குறையாக கொண்டாடி வருகின்றனர் ரசிகர்கள். இதனிடையில் வசூலிலும் பல உச்சங்களை தொட்டு வருகிறது ‘ஜெயிலர்’.
நெல்சன் திலீப்குமார்ரஜினிக்கு அண்ணாத்த, நெல்சனுக்கு பீஸ்ட் என இருவரின் கடைசி இரண்டு படங்களும் விமர்சனரீதியாக சறுக்கலை சந்தித்தன. அதிலும் ‘பீஸ்ட்’ பட ட்ரோலுக்காக அதிகம் விம்ர்சிக்கப்பட்டார் நெல்சன் திலீப்குமார். இதனால் ஜெயிலரை எப்படியாவது ஹிட்டாக்கி விட வேண்டிய கட்டாயம் நெல்சனுக்கு இருந்தது. ரஜினி ரசிகர்களும் ‘ஜெயிலர்’ படம் எப்படி வர போகிறது என்ற பயத்தில் இருந்தனர்.
மாஸ் காட்டும் ஜெயிலர்இந்த பயத்திற்கும், ஆடியோ லான்ச்சில் ரஜினி பேசிய பரபரப்பிற்கும் இடையில் கடந்த 10 ஆம் தேதி ‘ஜெயிலர்’ வெளியானது. கிட்டத்தட்ட உலகளவில் முதல் ஷோவில் இருந்தே படத்திற்கு பாசிட்டிவ் விமர்சனங்கள் குவிந்த வண்ணம் இருந்தது. இதனாலே ‘ஜெயிலர்’ படம் பிளாக் பஸ்டர் ஹிட்டடிக்கும் எனபது அப்போதே கன்பார்ம் ஆகிவிட்டது. அதனை தொடர்ந்து நாளுக்கு நாள் வசூலில் மாஸ் காட்ட ஆரம்பித்தது ‘ஜெயிலர்’.
புதிய சாதனைஇந்நிலையில் இப்படத்தின் வசூல் குறித்த அதிகாரப்பூர்வ தகவலை சன் பிக்சர்ஸ் நிறுவனம் தற்போது வெளியிட்டுள்ளது. அதன்படி ஒரே வாரத்தில் உலகம் முழுவதும் ரூபாய் 375 கோடிக்கும் அதிகமாக ‘ஜெயிலர்’ படம் வசூலித்துள்ளதாக அதிகாரப்பூர்வ அறிவிப்பு வெளியாகியுள்ளது. தமிழ் சினிமா வரலாற்றிலே முதல் வாரத்தில் அதிமான வசூல் செய்த படம் இதுதான் எனவும் சன் பிக்சர்ஸ் நிறுவனம் அறிவித்துள்ளது.
ரெக்கார்ட் மேக்கர்இதனை ரஜினி ரசிகர்கள் சோஷியல் மீடியாவில் கொண்டாடி வருகின்றனர். மேலும், ‘ஜெயிலர்’ ஆடியோ லான்ச்சில் தயாரிப்பாளர் கலாநிதி மாறன் சொன்னதை போன்று எங்கள் தலைவர் எப்போதும் ரெக்கார்ட் மேக்கர்.ரெக்கார்ட் பிரேக்கர் இல்லை எனவும் கூறி வருகின்றனர் ரசிகர்கள். அத்துடன் வரும் நாட்களில் ‘ஜெயிலர்’ படத்தின் வசூல் மேலும் பல மடங்கு அதிகரிக்கும் எனவும் எதிர்பார்க்கப்படுகிறது.