‘லியோ’ படத்தின் பரபரப்புகளுக்கு மத்தியில் இயக்குனர் லோகேஷ் கனகராஜ் ரூ. 1.70 கோடி மதிப்புள்ள புதிய கார் ஒன்றை வாங்கியுள்ளார்.
லோகேஷ் கனகராஜ்தமிழ் சினிமாவின் தற்போதைய சென்சேஷனல் இயக்குனராக வலம் வந்து கொண்டிருக்கிறார் லோகேஷ் கனகராஜ். முன்னணி நடிகர்கள் கூட இவரது இயக்கத்தில் நடிக்க ஆசைப்படுகின்றனர். அந்தளவிற்கு தொடர்ச்சியாக ஹிட் படங்களை வழங்கி வருகிறார். இவரது படங்கள் ஹிட் அடிப்பதோடு மட்டுமல்லாமல் பாக்ஸ் ஆபிஸிலும் மாபெரும் வசூல் சாதனை படைத்து வருகிறது. இதனால் தயாரிப்பாளர்களுக்கு பிடிக்கும் இயக்குனராகவும் வலம் வருகிறார் லோகேஷ் கனகராஜ்.
கமல் அளித்த பரிசுஇவரது இயக்கத்தில் கடைசியாக வெளியான ‘விக்ரம்’ படம் பிரம்மாண்ட வெற்றியை பெற்றது. கோலிவுட் சினிமாவே வியக்கும் அளவிற்கு வசூலில் மாபெரும் சாதனை படைத்தது. நீண்ட இடைவேளைக்கு பிறகு ‘விக்ரம்’ படம் மூலம் கிடைத்த பிரம்மாண்ட வரவேற்பால் மகிழ்ச்சியின் உச்சத்திற்கு சென்றார் நடிகர் கமல். இதனால் ‘விக்ரம்’ படத்தின் வெற்றியை தொடர்ந்து இயக்குனர் லோகேஷ் கனராஜ்க்கு ரூ.65 லட்சம் மதிப்புள்ள காரை பரிசாக வழங்கினார் கமல்.
புதிய கார்இந்நிலையில் தற்போது ரூ. 1.70 கோடி மதிப்பிலான பிஎம்டபிள்யூ 7 வரிசையிலான கார் ஒன்றை புதிதாகக வாங்கியுள்ளார் இயக்குனர் லோகேஷ் கனகராஜ். ‘லியோ’ படப்பிடிப்பு நிறைவடைந்துள்ள நிலையில் லோகேஷ் கனகராஜ் புதிய கார் வாங்கியுள்ளது தான் சோஷியல் மீடியாவில் தற்போதைய ஹாட் டாபிக்காக உள்ளது.
லியோ’விக்ரம்’ படத்தின் பிரம்மாண்ட வெற்றியை தொடர்ந்து லோகேஷ் கனகராஜ் ‘லியோ’ படத்தை இயக்கியுள்ளார். ‘மாஸ்டர்’ படத்தினை தொடர்ந்து இரண்டாவது முறையாக விஜய்யை இயக்கியுள்ளார். இதன் படப்பிடிப்பு முழுவதுமாக நிறைவடைந்து அடுத்தடுத்த பணிகள் மும்முரமாக நடந்து வருகிறது. மேலும் ‘லியோ’ படத்தை வரும் அக்டோபர் 19 ஆம் தேதி ரிலீஸ் செய்ய படக்குழுவினர் திட்டமிட்டுள்ளனர்.
தலைவர் 171’லியோ’ படத்தினை தொடர்ந்து லோகேஷ் கனகராஜ் சூப்பர் ஸ்டார் ரஜினியை இயக்கவுள்ளதாக கூறப்படுகிறது. ‘ஜெயிலர்’ வெற்றியை தொடர்ந்து த.செ. ஞானவேல் இயக்கத்தில் புதிய படம் ஒன்றில் நடிக்கவுள்ளார் ரஜினி. இதனையடுத்து அவர் நடிக்கவுள்ள ‘தலைவர் 171’ படத்தை லோகேஷ் கனகராஜ் இயக்கவுள்ளார். இந்தப்படம் தொடர்பான அறிவிப்பிற்காக தான் ரசிகர்கள் வெறித்தனமாக காத்திருக்கின்றனர்.