லோகேஷ் கனகராஜ் தற்போது லியோ படத்தை உருவாக்கி வருகின்றார், விஜய் நடிப்பில் உருவாகும் இப்படம் அக்டோபர் மாதம் திரையில் வெளியாகவுள்ளது. இதையடுத்து லோகேஷ் ரஜினியின் தலைவர் 171 திரைப்படத்தை இயக்குவார் என தகவல்கள் வருகின்றன. இத்தகவல் கிட்டத்தட்ட உறுதியாகியும் உள்ளது. எனவே லியோ படத்தை முடித்துவிட்டு லோகேஷ் தலைவர் 171 படத்தை தான் இயக்குவார் என எதிர்பார்க்கப்படுகின்றது. இந்நிலையில் இப்படத்தை முடித்துவிட்டு லோகேஷ் கார்த்தியின் கைதி 2 படத்தை இயக்குவார் என பேசப்பட்டு வந்தது. ஆனால் தற்போது வந்த தகவலின் படி கைதி 2 படத்திற்கு பதிலாக லோகேஷ் சூர்யாவை வைத்து ரோலக்ஸ் படத்தை இயக்கவுள்ளார் என தகவல்கள் வருகின்றன.
கமல்ஹாசனின் விக்ரம் படத்தில் சூர்யா ரோலக்ஸ் என்ற சிறப்பு தோற்றத்தில் நடித்திருந்தார். வெறும் ஐந்தே நிமிடங்கள் தான் சூர்யா நடித்திருந்தாலும் ரசிகர்களின் மனதில் ரோலக்ஸ் கதாபாத்திரத்தை நீங்கா இடம் பிடிக்க செய்துவிட்டார். ஐந்து நிமிடம் வந்த ரோலக்ஸ் கதாபாத்திரம் படம் முழுக்க வந்தால் செமையாக இருக்குமே என ரசிகர்கள் கூற, லோகேஷிற்கும் இந்த ஐடியா வந்தது.
சூர்யாவிற்கு வழிவிட்ட கார்த்தி
இதையடுத்து ரோலக்ஸ் கதாபாத்திரத்தை வைத்து ஒரு முழு படத்திற்கான கதையையும் லோகேஷ் உருவாக்கியுள்ளார். எனவே எதிர்காலத்தில் சூர்யாவை வைத்து ரோலக்ஸ் என்ற படத்தை எடுக்க திட்டமிட்டுள்ளார் லோகேஷ். இதனை சமீபத்தில் சூர்யாவும் உறுதிப்படுத்தியுள்ளார்.
Rajinikanth: தலைவர் 170 டைட்டில் அறிவிப்பை தள்ளிவைத்த தலைவர்..காரணம் அந்த நடிகரின் படமா ?
லோகேஷ் தன்னை சந்தித்து ரோலக்ஸ் என்ற கதாபாத்திரத்தை வைத்து ஒரு முழு படத்தையும் உருவாக்க திட்டமிட்டுள்ளதாக சூர்யா சமீபத்தில் இரு நிகழ்ச்சியில் கூறியுள்ளார். இந்நிலையில் தற்போது வந்த தகவலின் படி, லோகேஷ் கைதி 2 படத்தை தள்ளிவைத்துவிட்டு சூர்யாவின் ரோலக்ஸ் படத்தை இயக்கவுள்ளதாக தெரிகின்றது.
உருவாகும் ரோலக்ஸ்
பிரபல மூத்த பத்திரிகையாளர் ஒருவர் இந்த தகவலை கூறியுள்ளார். அதாவது லோகேஷ் எஸ்.ஆர் பிரபுவின் தயாரிப்பில் ஒரு படத்தை இயக்க ஒப்பந்தமாகியுள்ளார். அப்படம் கைதி படத்தின் இரண்டாம் பாகம் தான் என தகவல்களும் வந்தன. ஆனால் தற்போது எஸ்.ஆர் பிரபு கைதி 2 படத்தை பிறகு பண்ணலாம், அதற்கு முன்பு சூர்யாவை வைத்து ரோலக்ஸ் படத்தை எடுக்கலாம் என கூறியுள்ளார்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
சூர்யாவும் இதற்கு சம்மதம் தெரிவிக்க கைதி 2 படத்திற்கு பதிலாக ரோலக்ஸ் படம் உருவாக இருக்கின்றது. கார்த்தியும் இதற்கு ஓகே கூறியுள்ளதால் எந்த வித தடங்கலும் இன்றி ரோலக்ஸ் படம் துவங்கும் என எதிர்பார்க்கப்படுகின்றது என்பது குறிப்பிடத்தக்கது.