3 மொழி கலைஞர்கள் இணைந்து உருவாக்கும் பேண்டசி காதல் படம்
பிளாக் அண்ட் ஒயிட் மீடியா நிறுவனத்தின் சார்பில் ஜூட் ஆனந்த் தயாரிக்கும் படத்தை அறிமுக இயக்குனர் வீஜே.மீனாட்சி சுந்தரம் இயக்குகிறார். 1983 மற்றும் 2023 என இரண்டு கால கட்டங்களை இணைக்கும் கதை. காதல் மற்றும் பேண்டஸி படமாக இது உருவாகிறது. இதில் நாயகனாக தமிழ் மற்றும் மலையாள படங்களில் நடித்து வரும் ரஜித் நடிக்கிறார். மற்ற நடிகர் நடிகைகள் தேர்வு நடந்து வருகிறது.
விருது பெற்ற கன்னட திரைப்படமான 'கோழி எஸ்ரூ'படத்தின் ஒளிப்பதிவாளர் பிரான்சிஸ் ராஜ்குமார் ஒளிப்பதிவு செய்கிறார். கொடைக்கானலில் உள்ள கிராமம் ஒன்றில் படப்பிடிப்பு நடக்க உள்ளது. படத்தை தமிழ் தயாரிப்பு நிறுவனம் தயாரிக்கிறது. தமிழ் இயக்குனர் இயக்குகிறார், மலையாள நடிகர் நடிக்கிறார், கன்னட தொழில்நுட்பக் கலைஞர்கள் பணியாற்றுகிறார்கள்.