ராஜமவுலி படத்தில் இணையும் இந்தோனேசியா நடிகை செல்சியா இஸ்லான்!
ராஜமவுலி இயக்கத்தில் கடந்த 2022ம் ஆண்டு வெளியான படம் ஆர்ஆர்ஆர். அப்படத்தில் ராம்சரண் -ஜூனியர் என்டிஆர் நடித்தனர். அந்த படத்தை தொடர்ந்து மகேஷ்பாபு நடிப்பில் தனது அடுத்த படத்தை இயக்கப் போகிறார் ராஜமவுலி. இப்படத்தின் பெரும்பாலான படப்பிடிப்பு ஆப்ரிக்காவில் உள்ள அமேசான் காடுகளில் நடைபெற உள்ளது. அதோடு இப்படத்தின் கிராபிக்ஸ் காட்சிகள் சம்பந்தப்பட்ட பணிகள் இப்போதே தொடங்கி நடைபெற்று வருகிறது.
இந்த நிலையில் தனது புதிய படத்தில் மகேஷ் பாபுவுக்கு ஜோடியாக நடிக்க இந்தோனேசியா நடிகையான செல்சியா இஸ்லான் என்பவரை ராஜமவுலி தேர்வு செய்திருப்பதாக டோலிவுட்டில் ஒரு தகவல் வெளியாகியிருக்கிறது. இவர் தவிர வெளிநாடுகளை சார்ந்த இன்னும் சில நடிகர்களும் இந்த படத்தில் நடிக்க இருப்பதாகவும் கூறப்படுகிறது.