7 மாதம் கர்ப்பம் : பப்பில் அமலாபால் ஆட்டம்
கடந்த ஆண்டு தனது காதலர் ஜெகத் தேசாய் என்பவரை இரண்டாவது திருமணம் செய்து கொண்டார் நடிகை அமலா பால். அதையடுத்து கடந்த ஜனவரியில் தான் கர்ப்பமாக இருப்பதாக சில போட்டோக்களையும் வெளியிட்டு இருந்தார். பின்னர் ஈஷா யோகா மையத்துக்கு சென்று தியானம் செய்த புகைப்படங்கள், மலையாளத்தில் பிரித்விராஜுடன் நடித்த ஆடு ஜீவிதம் படத்தின் பிரமோசன் நிகழ்ச்சியில் கலந்து கொண்ட புகைப்படங்கள் என தொடர்ந்து வெளியிட்டு வந்த அமலாபால், தற்போது தனது கணவருடன் ஒரு மது பார்ட்டில் கலந்து கொண்ட வீடியோவை வெளியிட்டு இருக்கிறார். அதில் கணவருடன் இணைந்து அமலாபால் நடனமாடியுள்ள காட்சியும் இடம் பெற்றிருக்கிறது. அத்துடன் தான் 7 மாத கர்ப்பமாக இருப்பதாகவும் அந்த பதிவில் தெரிவித்திருக்கிறார். இதையடுத்து கர்ப்பமாக இருக்கும் நிலையில் இது போன்ற மதுபான பார்ட்டியில் கலந்து கொண்டு நடனம் ஆட வேண்டுமா என்று அவரது செயல்பாட்டை நெட்டிசன்கள் விமர்சனம் செய்து வருகிறார்கள்.