ரஜினிகாந்த் கதை, திரைக்கதை எழுதி தயாரித்து நடித்த பாபா திரைப்படம் கடந்த 2002ஆம் ஆண்டு ரிலீஸ் ஆனது. நாயகியாக மனிஷா கொய்ரலா நடித்திருந்தார்.
சுரேஷ் கிருஷ்ணா இயக்கிய இந்த படத்தில் சுஜாதா, விஜயகுமார், கவுண்டமணி உள்ளிட்ட ஏராளமான நட்சத்திரங்கள் நடித்திருந்தனர்.
இந்த படத்தில் ரஜினி காட்டும் பாபா முத்திரை அவரின் தனி அடையாளமாகவே மாறியது. இந்நிலையில் பாபா படத்தை நவீன டிஜிட்டல் தொழில் நுட்பத்தில் ரிலீஸ் செய்ய உள்ளனர்.
புதிதாக எடிட்டிங், கலர் கிரேடிங் செய்துள்ளனர். அதோடு பாபா படத்துக்கு ரஜினிகாந்த் மீண்டும் டப்பிங் பேசி உள்ளார். ஆரம்பத்தில் அவரது உரையோடு படம் தொடங்க உள்ளது.
அத்துடன் படத்தில் உள்ள சில குறிப்பிட்ட காட்சிகளுக்கு புதிதாக குரல் பதிவும் செய்துள்ளார். இந்நிலையில் ‘பாபா’ படத்தின் புதிய டிரைலர் வெளியாகியுள்ளது. இதனை ரஜினிகாந்த் தனது டுவிட்டர் பக்கத்தில் வெளியிட்டுள்ளார்.
newstm.in