தான் ஒரு அமெரிக்க நடிகையைத் திருமணம் செய்யப்போவதாக முதன்முறையாக தன் அண்ணன் வில்லியம் மற்றும் அண்ணி கேட்டிடம் கூறியபோது, அதற்கு அவர்கள் எப்படி ரியாக்ட் செய்தார்கள் என்பது குறித்த ஒரு சுவாரஸ்ய தகவலை வெளியிட்டுள்ளார் ஹரி.
சான்ஸே இல்லை
இளவரசர் ஹரி, மேகனைக் காதலிக்கத் துவங்கியபிறகு, தன் காதல் குறித்து தன் அண்ணன் வில்லியம் மற்றும் அண்ணியிடம் எப்படி சொல்வது என யோசித்துக்கொண்டிருந்தபோது, ஒரு நாள் அதற்கான நல்ல சந்தர்ப்பம் கிடைத்துள்ளது.
ஹரி யாரோ ஒரு பெண்ணைக் காதலிக்கிறார் என அரசல் புரசலாக கேள்விப்பட்ட வில்லியமும் கேட்டும், ஒருநாள் ஹரியைத் தங்களுடன் தேநீர் அருந்த அழைத்துள்ளார்கள்.
image: 2018 Getty Images
பிள்ளைகள் படுக்கைக்குச் சென்றதும், வில்லியம் வீட்டு வரவேற்பு அறையில் மூன்று பேரும் உட்கார்ந்துகொள்ள, எப்படி தொடங்குவது, சொல்வதா வேண்டாமா என ஹரி யோசித்துக்கொண்டிருக்க, சொல் சொல், யார் அந்தப் பெண் என வில்லியமும் கேட்டும் ஆவலுடன் ஹரியிடம் கேட்க, அவள் ஒரு நடிகை என்று ஹரி சொல்ல, ’ஓ’ என அண்ணனும் அண்ணியும் கூற, அவள் ஒரு அமெரிக்கப் பெண் என ஹரி கூற, மீண்டும் ‘ஓ’ என வில்லியமும் ஹரியும் கூற, Suits என்னும் தொலைக்காட்சித் தொடரில் அவள் நடிக்கிறாள் என்று ஹரி கூற, வாய் பிளந்து வில்லியமும் கேட்டும் ஒருவரை ஒருவர் பார்த்துக்கொண்டார்களாம்.
Image: 2017 Max Mumby/Indigo
ஒரு கண அமைதிக்குப் பின், சான்ஸே இல்லை, இடத்தை காலி பண்ணு, வாய்ப்பே இல்லை என்றாராம் வில்லியம்!
அடடா சொதப்பிவிட்டோமோ என ஹரி திகைத்துப்போய் நிற்க, அப்போதுதான் வில்லியமும் கேட்டும் தாங்கள் Suits தொடருக்கு எவ்வளவு பெரிய ரசிகர்கள் என்பதை ஹரியிடம் விளக்கியிருக்கிறார்கள்.
ஹரிக்கு உண்டான புதிய கவலை
அண்ணனும் அண்ணியும் மேகனை ராஜ குடும்பத்துக்குள் வரவேற்கமாட்டார்கள் என்றே தான் எண்ணிக்கொண்டிருந்த நிலையில், இப்போது தனக்கு ஒரு புதுக்கவலை உருவாகிவிட்டதாக தனது புத்தகத்தில் குறிப்பிடுகிறார் ஹரி.
அது, வில்லியமும் கேட்டும், மேகனுடைய ஆட்டோகிராபைக் கேட்டு தன்னை இனி தொல்லை பண்ணப் போகிறார்கள் என்பதுதான் என்று வேடிக்கையாக கூறியுள்ளார் ஹரி.
அப்படியானால், ஹரியின் வார்த்தைகளின்படி, அவர்கள் மேகனை எதிர்க்கவில்லை என்பதை அவரே சொல்லியிருக்கிறார். அப்புறம், அண்ணி மேகனிடம் சண்டை போட்டார், அண்ணன் மோசமாக பேசினார் என ஹரி சொல்லியிருப்பது எதுவும் உண்மையில்லையா என்ன? தவறு யாரிடம் என்பது சொல்லாமலே புரிகிறதே!
Image: 2018 Getty Images