விஜய் மற்றும் லோகேஷ் கனகராஜ் கூட்டணியில் தளபதி 67 திரைப்படம் உருவாகி வருகின்றது. இவர்கள்கூட்டணியில் கடந்த 2021 ஆம் ஆண்டு வெளியான மாஸ்டர் திரைப்படம் மாபெரும் வெற்றியை பெற்றது. இதையடுத்து தற்போது தளபதி 67 மூலம் மீண்டும் இக்கூட்டணி இணைந்துள்ளது.
மாஸ்டர் திரைப்படத்தில் விஜய்க்காக சில கமர்ஷியல் விஷயங்களை சேர்த்திருப்பார் லோகேஷ். ஆனால் இம்முறை தளபதி 67 படத்தை முழுக்க முழுக்க தன் ஸ்டைலில் எந்தவித கமர்ஷியல் அம்சங்களும் இல்லாமல் லோகேஷ் உருவாக்கி வருவதாக தகவல்கள் வருகின்றன.
Sivakarthikeyan: மாவீரன் திரைப்படம்..திருப்தி இல்லாத சிவகார்த்திகேயன்..எடுக்கப்பட்ட அதிரடி முடிவு..!
எனவே கத்தி, விக்ரம் பட பாணியில் தளபதி 67 திரைப்படம் இருக்கும் என ரசிகர்களால் எதிர்பார்க்கப்படுகின்றது. இந்நிலையில் இப்படத்தின் பூஜை கடந்த மாதம் போடப்பட்டு தற்போது படப்பிடிப்பு விறுவிறுப்பாக நடைபெற்று வருகின்றது.
Playhouse to Mammootty Company – நடிகர் மம்மூட்டி Express…
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
ஆனால் இப்படம் அதிகாரபூர்வமாக அறிவிக்கப்படவில்லை. விஜய்யின் வாரிசு திரைப்படம் திரையில் வெற்றிகரமாக ஓடிக்கொண்டிருப்பதால் தளபதி 67 படத்தின் அறிவிப்பை வெளியிட தாமதமாவதாக தகவல்கள் வருகின்றன.
இதைத்தொடர்ந்து பிப்ரவரி முதல் வாரம் தளபதி 67 படத்தின் அதிகாரபூர்வ அறிவிப்பு வெளியாகும் என எதிர்பார்க்கப்படுகின்றது. இந்நிலையில் சமீபத்தில் லோகேஷ் கனகராஜ் ஒரு நிகழ்ச்சியில் கலந்துகொண்டார். அதில் அவரிடம் தளபதி 67 படத்தை பற்றி பல கேள்விகள் கேட்கப்பட்டது.
குறிப்பாக தளபதி 67 திரைப்படத்தில் நடிகர் விக்ரம் நடிக்கிறாரா என அவரிடம் கேட்கப்பட்டது. அதற்கு லோகேஷ், நானும் அதை கேள்விப்பட்டேன். விரைவில் நீங்களே தெரிஞ்சிப்பீங்க. இப்போவே எல்லாத்தையும் சொல்லிட்டா சுவாரஸ்யம் இருக்காது என கூறினார் லோகேஷ். இதையடுத்து தளபதி 67 படத்தில் விக்ரம் நடிப்பது உறுதியாகியுள்ளது என ரசிகர்கள் பேசி வருகின்றனர்.