பிரித்தானியாவின் சவுத்தாம்ப்டனின் மிடில் ரோட்டில் நிறுத்தப்பட்டு இருந்த கார்கள் மீது வோக்ஸ்ஹால் கோர்சா மோதியதில் 18 வயது இளைஞர் உயிரிழந்துள்ளார்.
18 வயது இளைஞர் உயிரிழப்பு
பிரித்தானியாவில் ஞாயிற்றுக்கிழமை அதிகாலை 1 மணியளவில் சவுத்தாம்ப்டனின் மிடில் ரோட்டில் பயங்கர விபத்து ஏற்பட்டது.
வோக்ஸ்ஹால் காரில் பயணித்த மூன்று பதின்ம வயதினர் சாலையில் நிறுத்தப்பட்டிருந்த வாகனத்தின் மீது மோதி விபத்து ஏற்படுத்தினர்.
Getty Images/iStockphoto
இந்த விபத்தில் வோக்ஸ்ஹால் காரில் பயணித்த மூன்று பதின்ம வயதினரில் 18 வயது இளைஞர் உயிரிழந்து விட்டதாக அறிவிக்கப்பட்டுள்ளார், மற்றும் 17 மற்றும் 19 வயதுடைய இரண்டு பதின்ம வயதினரை பொலிசார் கைது செய்துள்ளனர்.
விபத்து குறித்து இளைஞர்களின் நெருங்கிய உறவினர்களுக்கு அறிவிக்கப்பட்டதையும், சிறப்பு அதிகாரிகளால் ஆதரிக்கப்படுவதையும் பொலிசார் உறுதிப்படுத்தியுள்ளனர்.
Getty Images/iStockphoto
இருவர் கைது
பொலிஸாரின் ஆரம்ப கட்ட விசாரணையில், சவுத்தாம்ப்டனைச் சேர்ந்த 17 வயது ஆண் மற்றும் 19 வயது ஆண் இருவரும் ஆபத்தான வாகனம் ஓட்டி மரணத்தை ஏற்படுத்தியதாக சந்தேகத்தின் பேரில் கைது செய்யப்பட்டுள்ளனர்.
துப்பறியும் நபர்கள் மோதலை அல்லது அதற்கு வழிவகுக்கும் தருணங்களைப் பார்த்த யாரேனும் இருந்தால் பொலிஸாரை தொடர்பு கொள்ள அழைப்பதாக தெரிவிக்கப்பட்டுள்ளது.