‘லியோ’ படப்பிடிப்பை இயக்குனர்கள் மிஷ்கின்,கெளதம் மேனன் நிறைவு செய்ததை தொடர்ந்து அடுத்தததாக சஞ்சய் தத் சம்பந்தமான காட்சிகள் படமாக்கப்படவுள்ளதாக தகவல்கள் வெளியாகியுள்ளது.
லியோவிஜய் நடிப்பில் உருவாகி வரும் ‘லியோ’ படம் இதுவரை இல்லாத அளவிற்கு தமிழ் சினிமாவில் வசூல் சாதனை படைக்கும் என எதிர்பார்க்கப்படுகிறது. ஷுட்டிங் நடந்து வரும் நிலையிலே இந்தப்படத்தின் மீது எக்கச்சக்க எதிர்பார்ப்பில் இருக்கின்றனர் ரசிகர்கள். காஷ்மீரில் ‘லியோ’ படப்பிடிப்பு நடந்து வரும் நிலையில் ஒவ்வொரு பிரபலங்களும் தாங்கள் சம்பந்தப்பட்ட காட்சிகளை நடித்து முடித்து வருகின்றனர்.
வாரிசுஇந்நிலையில் தான் பிரபல நடிகர் ‘லியோ’ படப்பிடிப்பில் இணைந்துள்ளது தொடர்பான செய்தி இணையத்தில் தீயாய் பரவி வருகிறது. கடந்த ஜனவரி மாதம் விஜய் நடிப்பில் ‘வாரிசு’ படம் வெளியானது. தமிழ், தெலுங்கு மொழியில் வெளியான இந்தப்படம் வசூலில் சக்கை போடு போட்டாலும் ரசிகர்களின் எதிர்பார்ப்பை முழுவதுமாக பூர்த்தி செய்யவில்லை.
வாரிசு – துணிவு மோதல்தமிழ் சினிமாவில் உச்ச நட்சத்திரமாக இருக்கு விஜய், அஜித் படங்கள் நீண்ட இடைவேளைக்கு பிறகு மோதியது. இரு துருவங்களாக இணையத்தில் மோதிக்கொள்ளும் விஜய், அஜித் இருவரின் ரசிகர்களும் வாரிசு, துணிவு படங்களின் ரிலீசை கொண்டாடி தீர்த்தனர். இந்தப்படத்தின் ரிலீசுக்கு முன்பாகவே லோகேஷ் கனகராஜ் இயக்கத்தில் விஜய் நடிப்பது உறுதியானாலும், ‘வாரிசு’ ரிலீசுக்கு பின்பே ‘தளபதி 67’ பட அறிவிப்பை வெளியிட வேண்டும் என்பதில் உறுதியாக இருந்தனர் படக்குழுவினர்.
லியோ அறிவிப்புஇந்நிலையில் வாரிசு பட ரிலீசுக்கு பின்பு ‘லியோ’ என்ற டைட்டிலுடன் ‘தளபதி 67’ பட அறிவிப்பை வெளியிட்டனர். ‘மாஸ்டர்’ படத்திற்கு பிறகு இரண்டாவது முறையாக விஜய், லோகேஷ் கனகராஜ் இருவரும் மீண்டும் இணைந்துள்ளனர். மேலும் இந்தப்படம் முழுக்க தன்னுடைய பாணியில் இருக்கும் என லோகேஷ் தெரிவித்துள்ளதால் ரசிகர்கள் மத்தியில் உச்சக்கட்ட எதிர்பார்ப்பு ஏற்பட்டுள்ளது.
காஷ்மீரில் படப்பிடிப்பு’லியோ’ படப்பிடிப்பு தற்போது காஷ்மீரில் விறுவிறுப்பாக நடந்து வருகிறது. அண்மையில் இயக்குனர் மிஷ்கின் ‘லியோ’ படப்பிடிப்பை முழுவதுமாக நிறைவு செய்து சென்னை திரும்பினார். இதனையடுத்து கெளதம் மேனன் தொடர்பான காட்சிகள் படமாக்கப்பட்டது. இந்நிலையில் அடுத்ததாக பாலிவுட் நடிகர் சஞ்சய் தத் நடிக்கும் காட்சிகள் படமாக்கப்படவுள்ளதாக தகவல்கள் வெளியாகியுள்ளன.
லியோவில் இணைந்த சஞ்சய் தத்இதனை உறுதி செய்யும் விதமாக சஞ்சய் தத் மும்பை விமான நிலையத்தில் இருக்கும் வீடியோ சோஷியல் மீடியாவில் வைரலாகி வருகிறது. ‘லியோ’ படத்தில் நீண்ட இடைவேளைக்கு பிறகு விஜய்யுடன் திரிஷா இணைந்துள்ளார். மேலும் இயக்குனர்கள் மிஷ்கின்,கெளதம் மேனன், சஞ்சய் தத், அர்ஜுன், சாண்டி மாஸ்டர், மன்சூர் அலிகான் உள்ளிட்டோர் நடிக்கின்றனர். செவன் கிரீன் ஸ்டுடியோ தயாரிக்கும் ‘லியோ’ படத்திற்கு அனிருத் இசையமைப்பது குறிப்பிடத்தக்கது.