ஆஸ்திரேலியாவின் சிட்னியில் இந்திய சமூகத்தின் முக்கிய நபராக கருதப்படுபவர் பாலேஷ் தங்கர் ஆவார். இவர் பாஜகவைச் சேர்ந்தவர் ஆவார். இந்தநிலையில் இவர் மீது 13 பாலியல் பலாத்கார வழக்குகள், போதை வஸ்துக்களை பயன்படுத்தியது, பலாத்காரத்தை வீடியோ பதிவு செய்தது உள்ளிட்ட குற்றச்சாட்டுகள் எழுந்துள்ளது.
பாலேஷ் தங்கர் மீது ஆஸ்திரேலியாவில் 13 பாலியல் பலாத்கார வழக்குகள் விசாரணையில் உள்ளது மற்றும் சிட்னியில் உள்ள அவரது அடுக்குமாடி குடியிருப்பு மற்றும் உயர்தர ஹோட்டலில் பலாத்கார செயலை படம் பிடித்தார் என உள்ளூர் ஊடகம் தெரிவித்துள்ளது. பாலேஷ் மீது நியூ சவுத் வேல்ஸ் மாவட்ட நீதிமன்றத்தில் வழக்கு நடைபெற்று வருகிறது.
சிட்னி மார்னிங் ஹெரால்டின் ஊடகத்தின் கூற்றுப்படி, கொரியப் பெண்கள் மீது பாலேஷுக்கு ஒரு வெறித்தனம் இருந்தது. கொரிய மொழியில் இருந்து ஆங்கிலத்திற்கு மொழி பெயர்க்க ஆட்கள் தேவை என விளம்பரம் வெளியிட்டு, கொரிய இளம்பெண்களை பாலேஷ் குறிவைத்துள்ளார். அவர் அடிக்கடி சிட்னியின் ஹில்டன் ஹோட்டல் பாரில், தனது குடியிருப்பில் இருந்து சாலையில் பெண்களை சந்திப்பார்.
பாலேஷ் தன்கர் பெண்களை உணவகம் அல்லது தனது இல்லத்திற்கு அழைத்துச் சென்று அவர்களுக்கு மயக்க மருந்து கலந்த பானங்களை வழங்குவார் என நீதிமன்றத்தில் தெரிவிக்கப்பட்டுள்ளது. மது அருந்திய பிறகு, பெண்கள் தலைசுற்றுவதாகவும், அவரது படுக்கையில் எழுவதற்கு முன்பு வரை எதுவும் நினைவில் இல்லை என்றும் கூறினார்கள். தாங்கள் பலாத்காரம் செய்யப்பட்டதாக தாங்கள் நினைக்கவில்லை என்று தாக்குதலுக்கு ஆளானவர்களில் சிலர் நீதிமன்றத்தில் தெரிவித்தனர்.
சுயநினைவற்ற ஆசிய மற்றும் கொரிய பெண்களின் நெருக்கமான படங்கள் மற்றும் வீடியோக்களை பதிவு செய்யும் ஒரு “குறிப்பிட்ட போக்கு” பாலேஷுக்கு இருந்தது. மேலும் அவர்கள் மீது ஒரு குறிப்பிட்ட பாலியல் ஆர்வமும் இருப்பதாக நடுவர் மன்றத்தில் தெரிவிக்கப்பட்டது. அவர் மீது சுமத்தப்பட்ட 13 பாலியல் வன்கொடுமைகள், அனுமதியின்றி 17 நெருக்கமான பதிவுகள், போதைப் பொருட்களைப் பயன்படுத்திய ஆறு குற்றச்சாட்டுகள் மற்றும் அநாகரீகமான செயலால் தாக்கப்பட்டதாக டஜன் கணக்கான குற்றச்சாட்டுகளை அவர் ஒப்புக்கொண்டார்.
2018 ஆம் ஆண்டு ஜனவரி மற்றும் அக்டோபர் மாதங்களுக்கு இடையில் இத்தகைய பாலியல் வன்கொடுமைகள் செய்யப்பட்டதாகக் கூறப்படுகிறது. கொரியப் பெண்களுடன் பாலேஷ் உடலுறவில் ஈடுபடும் 47 வீடியோக்கள், பெண்களின் பெயர்களைக் கொண்ட கோப்புறைகளில் சேமித்து வைக்கப்பட்டிருந்ததை போலீஸார் கண்டுபிடித்தனர் என்று வழக்குக்குப் பொறுப்பான அதிகாரி சார்ஜென்ட் கத்ரீனா கைட் நீதிமன்றத்தில் தெரிவித்தார்.
பாலேஷ் அலாரம் கடிகாரத்தில் மறைத்து வைக்கப்பட்டிருந்த கேமரா மூலம் பாலியல் வன்கொடுமைகளை பதிவு செய்ததாக கூறப்படுகிறது. அக்டோபர் 2018 இல் அவரது குடியிருப்பில் போலீசார் நடத்திய சோதனையில், அவரது படுக்கையில் இருந்து டிஎன்ஏ ஆதாரம் மற்றும் பெண்களின் பெயர்கள் குறிப்பிடப்பட்ட விரிதாளில் இருந்து கிடைத்ததாக கூறப்படுகிறது. பாலேஷின் குளிர்சாதனப் பெட்டியில் இருந்த ஒயின் மற்றும் ஸ்போர்ட்ஸ் டிரிங்க் பாட்டிலில் இரண்டு வகையான மயக்க மருந்துகள் இருந்ததையும் போலீசார் கண்டறிந்தனர்.
முல்லைப் பெரியாறு என்ன ஆச்சு? R.B.உதயகுமார் கேள்வி
பாலேஷின் வக்கீல் நீதிமன்றத்தில், புகார்தாரர்கள் ஒவ்வொருவரும் தாங்கள் ஈடுபடும் பாலியல் செயல்களுக்கு சம்மதம் தெரிவித்தனர். மேலும் பாலேஷ் பெண்களுக்கு போதை மருந்து கொடுத்ததையும், அவர்களின் அனுமதியின்றி செயல்களை பதிவு செய்ததையும் வழக்கறிஞர் மறுத்தார்.
அம்பலமானது கள்ளக்காதல் விவகாரம்.. கணவனை கத்தியால் குத்தி கொன்று விட்டு நாடகமாடிய மனைவி..
கடந்த வாரம் முழு விசாரணையின் போது, பாலேஷ் தனது அபார்ட்மெண்டில் பெண்களுடன் உடலுறவு கொள்வது போன்ற வீடியோக்கள் ஒளிபரப்பப்பட்டதால், பாலேஷ் தனது வழக்கறிஞர்களுக்குப் பின்னால் அமைதியாக அமர்ந்திருந்ததாக தி சிட்னி மார்னிங் ஹெரால்ட் தெரிவித்துள்ளது.