‛தெறி' ஹிந்தி ரீ-மேக்கில் வருண் தவான்
கடந்த 2016ம் ஆண்டில் அட்லீ இயக்கத்தில் விஜய், சமந்தா, ஏமி ஜாக்சன் நடித்து வெளிவந்த திரைப்படம் தெறி. இந்த படம் விமர்சன ரீதியாக மற்றும் வசூல் ரீதியாகவும் மிகப் பெரிய திரைப்படமாக அமைந்தது. இந்த படத்தின் கதையை அடிப்படையாகக் கொண்டு தெலுங்கில் இயக்குனர் ஹரிஷ் சங்கர் இயக்கத்தில் நடிகர் பவன் கல்யாண் உஷ்டாத் பகத் சிங் படத்தில் நடித்து வருகிறார்.
இதையடுத்து தெறி ஹிந்தியில் ரீமேக் செய்வதாக கூறப்படுகிறது. அதன்படி, அட்லீ பிரபல ஹிந்தி தயாரிப்பாளர் முராத் கெதானி உடன் இணைந்து இந்த படத்தை தயாரிக்கிறார். பாலிவுட்டில் வளர்ந்து வரும் இளம் நடிகர் வருண் தவானின் 18வது படமாக உருவாகிறது. இப்படத்தை இயக்குனர் காளிஸ் இயக்குகிறார். இவர் இதற்கு முன்பு தமிழில் கீ படத்தை இயக்கியவர் என்பது குறிப்பிடத்தக்கது. இந்த வருட ஆகஸ்ட் மாதத்தில் படப்பிடிப்பு துவங்கி அடுத்த வருட மே மாதத்தில் இந்த படத்தை வெளியீட படக்குழுவினர்கள் திட்டமிட்டுள்ளதாக கூறப்படுகிறது .