ஜெயிலர், போலா சங்கர் – டபுள் ட்ரீட் தரும் தமன்னா
'காவாலா, காவாலா' என கிளாமர் காட்டி பாடி, ஆடி கடந்த மூன்று வாரங்களாக பலரையும் தள்ளாட வைத்துள்ளார் தமன்னா. தமிழ், தெலுங்கு என இரண்டு மொழிகளிலும் கடந்த பல வருடங்களாக முன்னணி நடிகைகளில் ஒருவராக இருக்கிறார். ஆனால், சில வருடங்களாக அவர் நடித்து வெளிவந்த படங்கள் பெரிய வரவேற்பைப் பெறவில்லை.
இந்நிலையில் ஆகஸ்ட் மாதம் அடுத்தடுத்து தமிழ், தெலுங்கு என டபுள் ட்ரீட் தர உள்ளார் தமன்னா. ஆகஸ்ட் 10ம் தேதி ரஜினிகாந்துடன் அவர் நடித்துள்ள 'ஜெயிலர்' படமும், ஆகஸ்ட் 11ம் தேதி சிரஞ்சீவியுடன் நடித்துள்ள 'போலா சங்கர்' தெலுங்குப் படமும் வெளியாக உள்ளது. இரண்டு மொழிகளிலும் உச்ச நட்சத்திரங்களாக இருக்கும் ரஜினிகாந்த், சிரஞ்சீவி ஆகியோரது படங்களில் நடித்து இரண்டுமே அடுத்தடுத்த நாட்களில் வெளிவருகிறது என்பது தமன்னாவுக்கே டபுள் ட்ரீட் தான்.
ஒரு பக்கம் வெப் தொடர்கள், மறுபக்கம் காதல் விவகாரம் என கடந்த சில மாதங்களாகவே பரபரப்பில் இருக்கும் தமன்னாவுக்கு அடுத்த மாதம் தங்கமான மாதமாக அமையப் போகிறது.