ஜிவி பிரகாஷ் நடிப்பில் உருவாகியுள்ள ‘அடியே’ படத்தின் டிரெய்லர் வெளியாகி சோஷியல் மீடியாவில் பட்டையயை கிளப்பி வருகிறது. விக்னேஷ் கார்த்திக் என்பவர் இயக்கியுள்ள இந்தப்படத்தில் வெங்கட் பிரபு, கெளரி கிஷன் உள்ளிட்ட பலர் நடித்துள்ளனர். இந்நிலையில் இந்தப்படத்தின் ட்ரெய்லர் மற்றும் இசை வெளியீட்டு விழா நேற்றைய தினம் நடைபெற்றது.
இவ்விழாவில் கலந்துக்கொண்ட இயக்குனர் மிஷ்கின் படம் குறித்து பேசியதுடன் விஷால் குறித்தும் சில தகவல்களை பகிர்ந்துள்ளார். அதில், ‘விஷாலை நான் பொறுக்கி பொறுக்கின்னு சொன்னதை திரும்ப திரும்ப சொல்லிட்டே இருக்கீங்க. விஷாலும் நான் செய்த துரோகத்தை மறக்க மாட்டேன் என சொல்லி கொண்டே இருக்கான்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
அப்படி நான் என்ன துரோகம் துரோகம் செய்தேன் என தெரியவில்லை. விஷால் எப்போதும் என் இதயத்துக்கு நெருக்கமானவர். சண்டை போட்டுக்கிட்டோம். அவ்வளவுதான். எப்படி சண்டை போடாமல் இருக்க முடியும். அதுவொரு நல்ல நட்பு. நாங்க ரெண்டு பேரும் ரொம்ப நேசிச்சோம். திடீரென்று சண்டை போட்டுக்கிட்டோம். நான் விஷாலை ரொம்ப மிஸ் பண்றேன். ஆனால் என்னை அவர் மிஸ் பண்ண மாட்டார். அது எனக்கு தெரியும். ஈகோ அவருக்கு அதிகம். எனக்கும் இருக்கு.
ஆனால் அதை நான் மேனேஜ் பண்ணிப்பேன். பொறுக்கி என நான் ஒரு கோபத்தில் சொன்னேன். அதை எல்லாரும் பயன்படுத்த ஆரம்பிச்சுட்டாங்க. அதை தவிர்த்து விடலாம் என நினைக்கிறேன். விஷால் அப்படியெல்லாம் கிடையாது. அவர் ஸ்வீட் பாய். என்னுடன் பணியாற்றவில்லை என்றாலும் அவர் படம் வெற்றி பெற வேண்டும் என பிரார்த்தனை செய்கிறேன்.
Thalapathy 68: ‘தளபதி 68’ படத்திற்கு முதல் ஆளாக வாழ்த்து தெரிவித்த ஏகே: எம்புட்டு பாசம்.!
இப்படி பேசுறதால விஷாலுக்கு நான் ஐஸ் வைக்கிறேன்னு சொல்வாங்க. விஷாலோடு இனிமேல் சத்தியமா படம் பண்ண மாட்டேன். கெஞ்சுவும் மாட்டேன். இவ்வாறு விஷால் குறித்து இயக்குனர் மிஷ்கின் பேசியுள்ளார். மிஷ்கின் இயக்கத்தில் விஷால் நடித்து கடந்த 2017 ஆம் ஆண்டு ‘துப்பறிவாளன்’ படம் வெளியானது. இதனையடுத்து இதன் இரண்டாம் பாகத்திற்கான வேலைகள் கடந்த 2019 ஆம் ஆண்டு துவங்கியது.
விஷாலின் பிலிம் பேக்டரி தயாரித்த இந்தப்படத்தின் ஷுட்டிங் சமயத்தில் விஷால், மிஷ்கின் இடையே கருத்து வேறுபாடு ஏற்பட்டது. இதனால் மிஷ்கின் ‘துப்பறிவாளன் 2’ படத்திலிருந்து நீக்கப்படுவதாக அறிவித்தார் விஷால். இதனையடுத்து இருவரும் ஒருவரை ஒருவர் மாறி மாறி குற்றம்சாட்டி வந்தனர். மேலும், ‘துப்பறிவாளன் 2’ படத்தை தானே இயக்கி நடிக்கவுள்ளதாக விஷால் அறிவித்தது குறிப்பிடத்தக்கது.
Jailer: ‘ஜெயிலர்’ படம் குறித்து ரஜினி மருமகள் கூறிய விமர்சனம்: சம்பவம் இருக்கு.!