கமலின் மகள் ஆச்சே !!இந்திய திரையுலகில் மிகவும் முன்னணி நடிகராக இருப்பவர் தான் உலகநாயகன் கமல்ஹாசன். இவர் மட்டுமல்லாது, இவரின் குடும்பத்தில் உள்ளவர்களும் சினிமாவில் சாதித்து வருகின்றனர். அந்த வகையில், அவரின் மூத்த மகளான ஸ்ருதி ஹாசன், அவர் நடித்திருக்கும் சலார் படத்திற்காக செய்திருக்கும் காரியம் அனைவரையும் ஆச்சரியப்பட வைக்கிறது. அப்படி என்ன செய்திருக்கிறார் என பார்க்கலாம்.
ஸ்ருதி ஹாசன் !!கமல்ஹாசனின் மூத்த மகள் தான் ஸ்ருதி ஹாசன். இவர் நடிகர் மற்றும் பாடகர். அதுமட்டுமல்லாமல், அவர் நடிக்கும் படங்களுக்கு பெரும்பாலும் அவரேதான் டப்பிங் கொடுப்பார். இவர் குழந்தை நட்சத்திரமாகவும் சில படங்களில் நடித்திருக்கிறார். தமிழில் வாரணம் ஆயிரம் படத்தில் வரும் ‘அடியே கொள்ளுதே’ பாடலை பாடி பிரபலமானார். அதன் பிறகு சில பாடல்களை தமிழில் பாடியிருக்கிறார் ஸ்ருதி ஹாசன். 2011இல் சூர்யாவுடன் இணைந்து 7ஆம் அறிவு படத்தில் கதாநாயகியாக தமிழில் அறிமுகமானார். இவர் தமிழ், தெலுங்கு, ஹிந்தி படங்களில் நடித்தும், பாடல்கள் பாடியும் வருகிறார்.
ஆத்யா – ஸ்ருதி ஹாசன் !!பாகுபலி படத்தின் ஹீரோ பிரபாஸுடன் இணைந்திருக்கிறார் ஸ்ருதி ஹாசன். இந்த படத்தின் பெயர் சலார். இந்திய சினிமாவில் பெரும் வெற்றிகண்ட KGF படத்தின் இயக்குனரான பிரஷாந்த் நீல் இந்த சலார் படத்தை இயக்கியிருக்கிறார். இந்த படத்தில் நடிகர் பிரபாஸின் ஜோடியாக நடிதந்திருக்கிறார் ஸ்ருதி ஹாசன். இந்த படம், தமிழ், தெலுங்கு, மலையாளம், கன்னடம், ஹிந்தி என ஐந்து மொழிகளிலும் வெளியாக உள்ளது. இந்த படத்தின் படப்பிடிப்பு முடிந்து, படத்தின் போஸ்ட் ப்ரொடக்ஷன் வேலைகள் நடந்துக்கொண்டிருக்கிறது. இந்த படத்தில் ஸ்ருதி ஹாசனின் பெயர் ஆத்யா.
புலிக்கு பிறந்தது பூனையாகுமா ??சலார் படத்தின் படப்பிடிப்பு நடந்து முடிந்து அதன் டப்பிங் வேலைகள் நடந்து வருகிறது. பெரும் எதிர்பார்ப்பிற்கிடையே இந்த படம் உருவாகி வருகிறது. இந்த படத்தில் ஸ்ருதி ஹாசனின் ரோல் மிகவும் தனித்துவமானது எனவும் தெரிகிறது. இந்நிலையில், ஐந்து மொழிகளில் வெளியகவுள்ள சலார் படத்தில் ஸ்ருதி ஹாசனின் ஆத்யா கதாபாத்திரத்திற்கு ஐந்து மொழிகளுக்கும் அவரே டப்பிங் பேசி வருகிறார். இந்த மெனக்கிடல்களை பலரும் மெச்சுகின்றனர். இதை பற்றி அவரே தனது இன்ஸ்டாகிராம் பக்கத்தில் ஸ்டோரி பதிவிட்டு பலரின் பாராட்டுகளைப் பெற்று வருகிறார். 5 மொழியிலும் அவரே டப்பிங் செய்கிறார் என்பதனை புகழும் விதமாக புலிக்கு பிறந்தது பூனையாகுமா என கூறி வருகின்றனர் ரசிகர்கள்.
இவ்வளவு டெடிகேஷனா !!பல கதாநாயகிகள் அவரின் கதாபாத்திரத்திற்கே டப்பிங் கொடுப்பதில்லை. ஆனால் ஸ்ருதி ஹாசன் படத்தில் நடித்தது மட்டுமல்லாமல், ஐந்து மொழிகளுக்கும் அவரே டப்பிங் பேசி இருப்பது மிகவும் பிரம்மிக்க வைப்பதாகவும் பலர் பாராட்டுகின்றனர். அதுமட்டுமல்லாமல், இவ்வளவு டெடிகேஷனா ஸ்ருதி என்றும் பிரம்மிகின்றனர்..
