டிஜிட்டல் விருதுகள் 2025
டிஜிட்டல் தளத்தில் தொடர்ந்து தூள் கிளப்பிக் கொண்டிருக்கும் கலைஞர்களைக் கொண்டாட திட்டமிட்டிருக்கிறது விகடன். அதற்கெனப் பிரத்யேகமாக `விகடன் டிஜிட்டல் விருதுகள்’ விழாவையும் முதல் முறையாக நடத்தவிருக்கிறது விகடன்!
`Best Solo Creator – Male’, `Best Solo Creator – Female’, `Best Couple Creator’ என மொத்தமாக 27 பிரிவுகளில் விருதுகள் வழங்கப்படவுள்ளன. விருதுகளின் ஒவ்வொரு பிரிவின் நாமினேஷனுக்காகத் தேர்வு செய்யப்பட்டவர்களின் பட்டியல் கடந்த சில தினங்களுக்கு முன்பு வெளிவந்திருந்தது.
யூட்யூப், இன்ஸ்டாகிராம் என டிஜிட்டல் தளத்தில் அதகளப்படுத்திக் கொண்டிருக்கும் பலரும் அந்த நாமினேஷன் பட்டியலில் இடம்பெற்றிருந்தார்கள். கோலாகலத்திற்குப் பஞ்சமின்றி பிரமாண்டமாக இந்த விருது விழா வருகிற செப்டம்பர் 13-ம் தேதி சென்னை கலைவாணர் அரங்கத்தில் நடக்கவிருக்கிறது. நம் ஃபேவரைட் சோசியல் மீடியா பிரபலங்கள் பலரும் இந்த விழாவில் கலந்துக் கொண்டு விருது பெறவிருக்கிறார்கள்.
இப்போது, விருதுகளை வெல்லப் போகும் வெற்றியாளரையும் அவர்களைப் பற்றிய விவரங்களையும் நம் விகடன் இணையதளத்தில் ஒவ்வொன்றாகத் தொடர்ந்துப் பார்க்கலாம்.
Viral Star Of The Year
இப்பிரிவில் அசல் கோளார், பால் டப்பா, சாய் அபயங்கர், கெளிதீ, அக்ஷதா ஶ்ரீதர், சுப்லாஷினி, வாகீசன், ஹர்ஷவரதன், ரம்யா ரங்கநாதன் ஆகியோர் நாமினேஷன் பட்டியலில் இடம்பெற்றிருந்தனர். ஜூரிகளின் தேர்வுபடி இந்தப் பிரிவின் வெற்றியாளராகத் தேர்ந்தெடுக்கப்பட்டிருக்கிறார், பால் டப்பா!
VIRAL STAR OF THE YEAR – Paal Dabba
துருதுரு வடசென்னைப் பையன் அனிஷ், பால் டப்பாவாக உருமாறிய கதை சமகால இளைஞர்களுக்கான உற்சாக டானிக்! ராப் பாடகர், பாடலாசிரியர், நடன இயக்குநர் என அடுத்தடுத்து அவர் எடுத்த அவதாரங்களில் தடதடத்தது இளசுகளின் மனசு. இன்றைய ரீல்ஸ் தலைமுறையின் அதிரடி ஹீரோ இந்த அருமைத் தம்பிதான்!
இன்று எல்லா இசையமைப்பாளர்களின் விருப்பப் பாடகராக மாறியிருப்பது, இவரது பயணத்தின் அடுத்த வெற்றிக்கட்டம். டென் தௌசண் (10000) ஆராக்களுடன் ஊறும் பிளட்டாக, சமகாலத்தில் சமூக ஊடகத்தின் பெருவெளிச்சம் பெற்று இளைஞர்களின் இதயங்களையும் கவர்ந்திழுத்த இந்த இசைக் கலைஞனுக்கு VIRAL STAR OF THE YEAR விருதளிப்பதில் அகம் மகிழ்கிறது விகடன்!
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…