தினகரன்

டெல்லி: டெல்லி துணை முதல்வர் மணீஷ் சிசோடியாவுக்கு கூடுதலாக சுகாதாரத்துறை அமைச்சர் பொறுப்பு வழங்கப்பட்டுள்ளது. ஹவாலா மோசடி வழக்கில் சத்யேந்திர ஜெயின் கைதான நிலையில் மணீஷ் சிசோடியாவிற்கு கூடுதல் பொறுப்பு அளிக்கப்பட்டது. தொழிற்சாலை, மின்சாரம், உள்துறை, நகர்ப்புற மேம்பாடு, நீர்வளம் ஆகிய துறைகளும் கூடுதலாக ஒதுக்கப்பட்டது.    

ஜம்மு; ஜம்மு காஷ்மீரின் சோபியான் மாவட்டத்தில் ராணுவ வீரர்கள் இருந்த தனியார் வாகனத்தில் திடீரென வெடிகுண்டு வெடித்தது ஜம்மு காஷ்மீர், ஜம்மு காஷ்மீர் மாநிலம் சோபியான் மாவட்டத்தில் இன்று ராணுவ வீரர்கள் இருந்த தனியார் வாகனத்தில் திடீரென வெடிகுண்டு வெடித்தது. இதில் 3 ராணுவ வீரர்கள் காயமடைந்தனர். காயமடைந்த வீரர்கள் மருத்துவமனையின் அனுமதிக்கப்பட்டுள்ளனர். வாகனத்தில் ஏற்கெனவே வெடிகுண்டு இருந்ததால், அல்லது வாகனத்தின் பேட்டரி செயலிழந்ததன் காரணமாக வாகனம் விபத்துக்குள்ளானதா என அதிகாரிகள் விசாரித்து வருகின்றன்ர். குண்டுவெடிப்பால், வாகனம் … Read more

சென்னை :காங்கிரசில் இருந்து விலகி குஜராத்தை சேர்ந்த ஹர்திக் படேல் இன்று பாஜகவில் இணைய உள்ளார். இந்த நிலையில் அவர் வெளியிட்டுள்ள ட்விட்டர் பதிவில்,“புதிய அத்தியாயத்தை இன்று தொடங்க உள்ளேன். பிரதமர் மோடியின் தலைமையில் நாட்டுக்காக பணியாற்றுவேன்” எனத் தெரிவித்துள்ளார். 

மும்பை: மகாராஷ்ட்ரா முன்னாள் அமைச்சர் அனில் தேஷ்முக் மீதான வழக்கில் சச்சின்வாஸ் அப்ரூவராக சிபிஐ நீதிமன்றம் அனுமதி வழங்கியுள்ளது. போலீஸ் அதிகாரியாக இருந்த சச்சின் வாஸ் மூலம் அனில் தேஷ்முக் சட்டவிரோதமாக பணம் வசூலித்ததாக வழக்கு தொடரப்பட்டது. மும்பை நகரில் சட்டவிரோதமாக ஒவ்வொரு மாதமும் ரூ.100 கோடி வசூலிக்க அனில் தேஷ்முக் உத்தரவிட்டதாக புகார் எழுந்தது.

டெல்லி : டெல்லியில் பிரதமர் மோடியுடன் ஆந்திர முதல்வர் ஜெகன்மோகன் ரெட்டி இன்று சந்திப்பு மேற்கொள்கிறார். மாநில திட்டங்கள் குறித்த கோரிக்கையை பிரதமரிடம் வழங்குகிறார்.