தினகரன்

சிவகாசி: சிவகாசி பாறைப்பட்டி போலீஸ் செக் போஸ்ட் அருகே மாநகராட்சி 33வது வார்டு பிஜேபி கவுன்சிலர் குமரிபாஸ்கர் தோட்டம் உள்ளது. இந்த தோட்டத்தில் நேற்று 2 புள்ளி மான்கள் சுற்றி திரிந்துள்ளது. அப்போது தெரு நாய்கள் விரட்டி சென்று மான்களை கடித்துள்ளது. இதில் 2 மான்களும் சம்பவ இடத்திலே உயிரிழந்தன . வனத்துறை அலுவலர்களுக்கு சிவகாசி கிழக்கு போலீசார் தகவல் தெரிவித்துள்ளனர். வனத்துறையினர் மான்களின் உடல்களை மீட்டு பிரேத பரிசோதனை செய்தனர்.

மதுரை: மதுரை உசிலம்பட்டி பசும்பொன் முத்துராமலிங்க தேவர் கல்லூரி முதல்வர் ரவி இடமாற்றம் செய்யப்பட்டுள்ளார். மாணவ, மாணவிகளிடம் கூடுதல் கட்டணம் வசூலித்த புகாரில் முதல்வர் ரவி மாற்றம் செய்யப்பட்டார். முதல்வர் ரவியை மாற்றி மதுரை மண்டல கல்லூரிக் கல்வி இணை இயக்குநர் பொன்.முத்துராமலிங்கம் அறிவித்துள்ளார்.

மயிலாடுதுறை: தருமபுரம் ஆதீனத்தில் பட்டணப்பிரவேசம் நிகழ்வுக்கான பெருவிழா கொடியேற்றத்துடன் துவங்கியது. பெருவிழாவின் முக்கிய நிகழ்வான தருமபுரம் ஆதீன பட்டணப்பிரவேசம் வரும் 22-ம் தேதி இரவு நடைபெறுகிறது. 

கோவை: அன்னூர் அருகே 4 ஆடுகளை மர்ம விலங்கு கடித்துக் கொன்றதால் மக்கள் பீதிந்துள்ளனர். ஒட்டர்பாளையத்தை சேர்ந்த சச்சின், நூர் முகமது ஆகியோர் வளர்த்து வந்த 4 ஆடுகளை மர்ம விலங்கு கடித்து கொன்றது.

கடலூர்: கடலூர் அருகே பெரிய குப்பத்தில் போலீஸ் மீது பெட்ரோல் குண்டு வீசப்பட்ட விவகாரத்தில் 4பேரை பிடித்து புதுச்சத்திரம் காவல் நிலையத்தில் வைத்து போலீசார் விசாரணை நடத்தி வருகின்றனர். பெரிய குப்பத்தில் தனியார் எண்ணெய் சுத்திகரிப்பு நிலையத்தில் நேற்று கொள்ளை முயற்சி நடந்தது. கொள்ளையை தடுக்க முயன்றபோது போலீஸ், ஆலை காவலாளிகள் மீது கொள்ளை கும்பல் பெட்ரோல் குண்டுவீசியது

டெல்லி: உலகம் முழுவதும் கொரோனாவால் உயிரிழந்தவர்களின் எண்ணிக்கை 62.81 லட்சத்தை தாண்டியது. பல்வேறு நாடுகளை சேர்ந்த 6,281,810 பேர் கொரோனா வைரசால் உயிரிழந்தனர். உலகம் முழுவதும் கொரோனாவால் 518,978,441 பேர் பாதிக்கப்பட்டுள்ள நிலையில் 473,771,303 பேர் குணமடைந்துள்ளனர். மேலும் 39,270 பேர் கவலைக்கிடமான நிலையில் மருத்துவமனையில் சிகிச்சை பெற்று வருகின்றனர்.