டெலிகாம் ஆபரேட்டரான பார்தி ஏர்டெல்,
ஏர்டெல் எக்ஸ்ட்ரீம் பிரீமியம்
சேவையை பயனர்களுக்கு வழங்கி வருகிறது. தற்போது புதிய ஒருங்கிணைந்த சந்தா திட்டத்தை ஏர்டெல் அறிமுகப்படுத்தியுள்ளது. இந்தச் சேவையில், வாடிக்கையாளர்கள் 15 பிரபலமான வீடியோ ஓடிடி தளங்களின் அணுகலை மாத சந்தா செலுத்தி பெற முடியும்.
மீடியா பார்ட்னர்ஸ் ஆசியா வெளியிட்டுள்ள பகுப்பாய்வு அறிக்கையின்படி, 2025ஆம் ஆண்டளவில், இந்தியாவின் ஓடிடி (OTT) சந்தா சந்தை தற்போதைய 500 மில்லியன் அமெரிக்க டாலர் என்ற மதிப்பில் இருந்து பில்லியம் டாலராக உயரும் என்று கணிக்கப்பட்டுள்ளது. இந்தியாவில் உள்ள சிறிய நகரங்களில் ஓடிடி தளங்களின் ஆதிக்கம் வரும் காலங்களின் அதிகளவில் இருக்கும்.
புதிய சந்தா திட்டம் (airtel xstream premium subscription)
ஏர்டெல் எக்ஸ்ட்ரீம் மாதத்திற்கு ரூ.149 செலுத்தி ஓடிடி தளங்களை சந்தாதாரர்கள் அனுபவிக்க முடியும். முறையே வருடத்திற்கு ரூ.1,499 செலுத்தி ஒரு வருடத்திற்கான 15 ஓடிடி தளங்களின் அணுகலைப் பெறலாம். இது குறித்த தகவலை ஏர்டெல் டிஜிட்டல் தளத்தின் தலைமை செயல் அலுவலர் ஆதர்ஷ் நாயர் அறிக்கையாக வெளியிட்டுள்ளார்.
ரீசார்ஜ் கட்டணங்கள் விலை உயரும் அபாயம்! ஆபரேட்டர்களுக்கு வரிவிதிப்பால் குறையும் லாபம்!
அந்த அறிக்கையில், இந்த கட்டண சேவை மூலம் 20 மில்லியன் புதிய வாடிக்கையாளர்களை பெற முடியும் என நிறுவனம் எதிர்பார்ப்பதாக அவர் குறிப்பிட்டுள்ளார். மேலும், அதிகம் சந்தாதாரர்களைக் கொண்ட 15 ஓடிடி தளங்கள் ஒரு குடையின் கீழ் கொண்டுவரப்பட்டுள்ளது. அதுவும் மலிவு விலையிக்ல் என்று ஆதர்ஷ் கூறியுள்ளார்.
ஏர்டெல் எக்ஸ்ட்ரீம் பிரீமியம் சேவையில் கிடைக்கும் 15 ஓடிடி தளங்கள்
இந்த ஏர்டெல் எக்ஸ்ட்ரீம் பிரீமியம் சேவையில், வாடிக்கையாளர்கள் ஒரே பயன்பாட்டில் 15 இந்திய மற்றும் உலகளாவிய ஓடிடி தளங்களை அனுபவிக்க முடியும் என்று நிறுவனம் தெரிவித்துள்ளது. அந்த வகையில் வாடிக்கையாளர்களுக்கு முதலாவதாக 10,500க்கும் மேற்பட்ட திரைப்படங்கள் கொண்ட தொகுப்பினை வழங்குகிறது.
ப்ரீபெய்ட் பயனர்களுக்கு இனிப்பான செய்தி… 28 நாள்கள் வேலிடிட்டிக்கு பதிலாக இனி 30 நாள்கள்… டிராய் அதிரடி
மேலும், சோனிலிவ் (SonyLIV), லயன்ஸ்கேட் ப்ளே (Lionsgate Play), ஈரோஸ் நவ் (Eros Now), மனோரமாமேக்ஸ் (ManoramaMax), ஹோய்சோய் (Hoichoi), அல்ட்ரா (Ultra), எபிக் ஆன் (Epic On), ஷார்ட்ஸ்டிவி (ShortsTV), க்லிக்க் (KLIKK), டிவோ (Divo), டோலிவுட் ப்ளே (Dollywood Play), நம்ம ஃபிளிக்ஸ் (Namma Flix), டாக்குபே (Docubay), ஷெமரூமீ (ShemarooMe), ஹங்காமா ப்ளே (Hungama Play) ஆகியவற்றை பயனர்கள் கண்டு மகிழலாம்.
Airtel Google partnership: ஏர்டெல்-க்கு அடித்த ஜாக்பாட் – கோடிக்கணக்கில் டாலரைக் குவித்த கூகுள்!
ஏர்டெல் பயனர்களுக்கு மட்டுமே இந்த சேவை வழங்கப்படுகிறது. மொபைல், டேப்லெட், மடிக்கணினி, ஸ்மார்ட் டிவி, எக்ஸ்ட்ரீம் செட்-டாப்-பாக்ஸ் ஆகியவற்றில் இந்த சேவையை வாடிக்கையாளர்கள் அனுபவிக்க முடியும். ஏர்டெல் எக்ஸ்ட்ரீம் பிரீமியம் ஒவ்வொரு பயனருக்கும் ஒற்றை பயன்பாடு, ஒற்றை சந்தா, ஒற்றை உள்நுழைவு, ஒருங்கிணைந்த உள்ளடக்கத் தேடல் மற்றும் செயற்கை நுண்ணறிவால் இயங்கும் தனிப்பயனாக்கப்பட்ட லிஸ்டிங் ஆகியவற்றை வழங்குகிறது.
ஏர்டெல் எக்ஸ்ஸ்ட்ரீம் ஃபைபர் பிராட்பேண்ட்: அதிவேக இன்டர்நெட், பொழுதுபோக்கு அம்சங்களை அள்ளித்தரும் ஏர்டெல்!