ஒடிடியில் மஞ்சு வாரியரின் சொந்தப்படம்
மலையாள திரையுலகில் தற்போதும் பிசியான நடிகையாக முன்னணி வரிசையில் இருப்பவர் நடிகை மஞ்சு வாரியர். இதற்கிடையே தயாரிப்பாளராக மாறி லலிதம் சுந்தரம் என்ற படத்த்தை தயாரித்து அதில் கதாநாயகியாகவும் நடித்துள்ளார் மஞ்சு வாரியர். திடீரென பட தயாரிப்பில் இறங்கியதற்கு காரணம் அவரது தம்பிக்காக தான்.. ஆம்.. இந்த படத்தின் மூலம் மஞ்சு வாரியாரின் தம்பி மது வாரியர் இயக்குனராக அறிமுகமாகி இருக்கிறார்.
இந்த படத்தில் மஞ்சுவாரியர் ஒரு தொழிலதிபராக நடிக்க, அவரது கணவராக பிஜுமேனன் நடிக்கிறார். இதுவரை மஞ்சு வாரியர் ஏற்று நடிக்காத கதாபாத்திரம் இது என்பது குறிப்பிடத்தக்கது. இந்தநிலையில் ஒரு தயாரிப்பாளராக இந்தப்படத்தை நேரடியாக ஒடிடி தளத்திலேயே வெளியிட முடிவு செய்துவிட்டார் மஞ்சு வாரியர். டிஸ்னி ஹாட்ஸ்டார் நிறுவனம் இந்தப்படத்தை வெளியிடுகிறது. ரிலீஸ் தேதி குறித்த அறிவிப்பு விரைவில் வெளியாகும் என்றும் சொல்லப்படுகிறது.