பாகிஸ்தான் ஜனாதிபதி
ஆரிப் அல்வி திடீரென உடல் நலம் சரியில்லை என்று கூறி லீவு போட்டு விட்டதால், இன்று நடக்கவிருந்த அமைச்சரவை பதவியேற்பு விழா தள்ளிப் போடப்பட்டுள்ளது. அவருக்கு உடம்புக்கு என்ன பிரச்சினை என்று தெரியவில்லை.
இப்படித்தான் பாகிஸ்தான் புதிய பிரதமராக
ஷபாஸ் ஷெரீப்
பதவியேற்பதற்கு சில மணி நேரங்களுக்கு முன்பும் கூட அவர் உடம்பு சரியில்லை என்று தாமதம் செய்தார். பின்னர் பதவிப்பிரமாணம் செய்து வைத்தார். தற்போது மீண்டும் அதே காரணத்தைக் கூறி அவர் கூறியுள்ளதால் பாகிஸ்தான் அரசியலில் பரபரப்பு ஏற்பட்டுள்ளது.
ஜனாதிபதி உடம்பு சரியில்லை என்று கூறி லீவு போட்டு விட்டதால், அமைச்சரவை பதவியேற்பு விழா தள்ளிப் போடப்பட்டுள்ளது. ஷபாஸ் ஷெரீப் தலைமையிலான பாகிஸ்தான் அமைச்சரவையில் முஸ்லீம் லீக் சார்பில் 14 அமைச்சர்களும், பாகிஸ்தான் மக்கள் கட்சி சார்பில் 11 அமைச்சர்களும் இடம் பெற்றுள்ளனர்.
370 தொகுதிகளில் போட்டி + வலுவான கூட்டணி.. இதுதான் பி.கே. பிளான்.. ராகுலுக்கு ஓ.கே!
ஜனாதிபதி உடல் நலம் குறித்து டாக்டர்கள் பரிசோதித்துள்ளனர். அவருக்கு சற்று ஓய்வு தேவைப்படுவதாக டாக்டர்கள் தெரிவித்துள்ளதாக பாகிஸ்தான் ஜனாதிபதி மாளிகை தெரிவித்துள்ளது. சில நாட்களுக்கு ஜனாதிபதி ஓய்வில் இருக்க வேண்டியுள்ளதால்
பாகிஸ்தான் அமைச்சரவை
எப்போது பதவியேற்கும் என்று தெரியவில்லை.
சமீபத்தில்தான் இம்ரான் கான் தலைமையிலான பாகிஸ்தான் அரசுக்கு எதிரான நம்பிக்கை இல்லாத் தீர்மானம் நாடாளுமன்றத்தில் வெற்றி பெற்றது. இதைத் தொடர்ந்து இம்ரான் கான் அரசு கவிழ்ந்தது. அதைத் தொடர்ந்து ஷபாஸ் ஷெரீப் பிரதமராக பதவியேற்றுக் கொண்டார். பாகிஸ்தான் அரசியலில் இரு துருவங்களாக செயல்பட்டு வந்த பாகிஸ்தான் முஸ்லீம் லீக் கட்சியும், பாகிஸ்தான் மக்கள் கட்சியும் தற்போது ஒன்றாக கை கோர்த்து அனைத்து எதிர்க்கட்சிகளும் அவர்களின் தலைமையில் இணைந்துள்ளன. இந்த கூட்டணிதான் தற்போது ஆட்சியையும் அமைத்துள்ளது என்பது நினைவிருக்கலாம்.
பொருளாதார சிக்கலைத் தீர்க்கத் தவறி விட்டார், பொருளாதார நெருக்கடியை ஏற்படுத்தி விட்டார், மலிந்து போன ஊழல் என பல்வேறு புகார்களைத் தொடர்ந்து இம்ரான் கான் அரசுக்கு நெருக்கடி ஏற்பட்டு கடைசியில் அவர் பதவியை இழந்துள்ளார் என்பது நினைவிருக்கலாம்.