Home remedy for hair problems in Tamil: உங்களின் தலைமுடி பிரச்சனைக்கு உங்கள் வீட்டிலேயே தீர்வு உள்ளது. வீட்டில் உள்ள எளிய பொருட்களைக் கொண்டு நீங்களே இந்த அற்புத நன்மை தரும் எண்ணெய்யை தயாரிக்கலாம். அது எப்படி? அதன் நன்மைகள் என்னென்ன என்பதை இப்போது பார்ப்போம்.
பெரும்பாலானோர்க்கு முடி பிரச்சனைகள் எரிச்சலூட்டும் விஷயம். சில பொதுவான முடி பிரச்சனைகளில் பொடுகு, முடி உதிர்தல், உலர்ந்த முடி, சுருள் முடி மற்றும் மந்தமான முடி ஆகியவை அடங்கும். இந்தப் பிரச்சனைகளைப் பற்றி நாம் அறிந்திருந்தாலும், அவற்றிற்கு தீர்வு காண முடியாமல் தவித்து வருகிறோம்.
இந்த பிரச்சனைகளுக்கு ஊட்டச்சத்து நிபுணர் லாவ்னீத் ஒரு பாரம்பரிய முறையைப் பகிர்ந்துள்ளார், முடி பிரச்சனை உள்ள எவரும் இதனை வீட்டிலேயே முயற்சி செய்து முடி சேதத்தை குறைக்கலாம். கூந்தலுக்கு எண்ணெய் தடவுவது முடி தொடர்பான அனைத்து பிரச்சனைகளுக்கும் எளிதான மற்றும் பயனுள்ள தீர்வாகும் என்று அவர் கூறுகிறார். ஆனால் கடுகு எண்ணெயில் வெந்தயம், கறிவேப்பிலை சேர்ப்பது இங்கு முக்கியமானது.
“முடி பிரச்சனைகளுடன் போராடுகிறீர்களா? சரி, நாங்கள் உங்களுக்கு உதவுகிறோம், ”என்று ஊட்டச்சத்து நிபுணர் லாவ்னீத் தனது இன்ஸ்டாகிராம் பக்கத்தில் ஒரு வீடியோவைப் பகிர்ந்துள்ளார். அதில் நீங்கள் முடி ஆரோக்கியத்திற்கான எண்ணெயை எவ்வாறு தயாரிக்கலாம் என்று குறிப்பிட்டுள்ளார்.
செய்முறை
கடாயில் கடுகு எண்ணெயை ஊற்றி சூடாக்கவும்
பிறகு எண்ணெயில் கறிவேப்பிலை மற்றும் வெந்தயத்தை சேர்க்கவும்.
இதனை 10 நிமிடங்கள் குறைந்த தீயில் வைத்து காய்ச்சவும். இரண்டு பொருட்களும் கருப்பு பழுப்பு நிறமாக மாறும் வரை காத்திருக்கவும்.
பின்னர் அடுப்பிலிருந்து இறக்கி எண்ணெய்யை நன்றாக ஆற வைக்கவும்.
பின்னர் எண்ணெய்யை வடிகட்டி பயன்படுத்தவும்.
சிறந்த நன்மைகளைப் பெற இந்த எண்ணெயை வாரத்திற்கு இரண்டு முறையாவது தடவ வேண்டும்.
இதையும் படியுங்கள்: ஒளிரும் சருமம், பிரகாசமான முடிக்கு தினமும் இந்த ஜூஸ் சாப்பிடுங்க.. நீங்களே வீட்டில் செய்யலாம்!
ஆனால், இந்த எண்ணெய் எப்படி முடி வளர்ச்சிக்கு உதவுகிறது? த அல்லது மேலும் முடி சேதத்தைத் தடுக்கிறது? என்பதைப் புரிந்துகொள்வதற்காக, முடி ஆரோக்கியத்திற்கு வெந்தய விதைகள் மற்றும் கறிவேப்பிலையின் நன்மைகளை நிபுணர் லாவ்னீத் பகிர்ந்துள்ளார்.
வெந்தயத்தில் ஃபிளாவனாய்டுகள் நிறைந்துள்ளன, இது ஆக்ஸிஜனேற்ற பண்புகளைக் கொண்டுள்ளது, உச்சந்தலையை குணப்படுத்துகிறது மற்றும் முடியின் வேர்கள் சேதமடையாமல் தடுக்கிறது.
கறிவேப்பிலை அமினோ அமிலங்களின் நல்ல மூலமாகும், இது முடி வளர்ச்சிக்கும் அவற்றின் ஒட்டுமொத்த ஆரோக்கியத்திற்கும் அவசியமானதாகும். அவற்றில் ஆக்ஸிஜனேற்ற பண்புகள் உள்ளன, அவை உச்சந்தலையில் இறந்த செல்கள் குவிப்பதைத் தடுக்கின்றன.
மேலே உள்ள கட்டுரை தகவல் நோக்கங்களுக்காக மட்டுமே மற்றும் தொழில்முறை மருத்துவ ஆலோசனைக்கு மாற்றாக இல்லை. உங்கள் உடல்நலம் அல்லது மருத்துவ நிலை குறித்து உங்களுக்கு ஏதேனும் கேள்விகள் இருந்தால் எப்போதும் உங்கள் மருத்துவர் அல்லது பிற தகுதிவாய்ந்த சுகாதார நிபுணரின் வழிகாட்டுதலைப் பெறவும்.