அதிமுகவின் ஒருங்கிணைப்பாளர் என்பதால் சட்டப்பேரவை நிகழ்வுகளில் கட்சி சார்ந்த எந்த முடிவு எடுப்பதாக இருந்தால் தன்னிடம் ஆலோசிக்க வேண்டும் என்று சபாநாயகர் அப்பாவுக்கு முன்னாள் முதலமைச்சர் ஓ.பன்னீர்செல்வம் இரண்டாவது முறையாக கடிதம் எழுதியுள்ளார்.
அதிமுகவில் உட்கட்சி பிரச்சினை உச்சம் பெற்று வரும் நிலையில் எடப்பாடி பழனிசாமிக்கே பெரும்பாலான மாவட்டச் செயலாளர்கள், சட்டமன்ற உறுப்பினர்களின் ஆதரவு இருக்கிறது. பொதுக்குழு உறுப்பினர்களின் ஆதரவோடு எடப்பாடி பழனிசாமி இடைக்கால பொதுச் செயலாளராக தேர்ந்தெடுக்கப்பட்டார்.
அதன் பின்னர் அவர் ஓ.பன்னீர் செல்வத்தை கட்சியிலிருந்து நீக்கியதுடன், அவர் வகித்து வந்த எதிர்கட்சித் துணைத் தலைவர் பதவியை ஆர்.பி.உதயகுமாருக்கு கொடுத்தார்.
ஆனால் இது குறித்து முடிவெடுக்கையில் தன்னிடம் கலந்தாலோசிக்க வேண்டும் என்று சட்டப்பேரவை சபாநாயகர் அப்பாவுக்கு ஓ.பன்னீர் செல்வம் கடிதம் எழுதியிருந்தார்.
அக்டோபர் 17ஆம் தேதி சட்டப் பேரவை கூட உள்ள நிலையில் தற்போது இரண்டாவது முறையாக சபாநாயகருக்கு கடிதம் எழுதியுள்ளார். பொதுச்செயலாளர் தேர்தல் நடத்த இடைக்கால தடைவிதித்த உச்ச நீதிமன்ற தீர்ப்பை கடிதத்தில் சுட்டிக்காட்டியுள்ளார்.
அதிமுக ஒருங்கிணைப்பாளர் என்ற முறையில் கட்சி சார்ந்து முடிவெடுக்க தன்னை கலந்தாலோசிக்க வேண்டும் என்று குறிப்பிட்டுள்ளார்.
அதிமுக எதிர்க்கட்சித் துணைத் தலைவர் பதவியில் இருந்து ஓபிஎஸ்ஸை நீக்கி ஆர்.பி. உதயகுமாரை நியமிக்க எடப்பாடி பழனிசாமி தரப்பு சபாநாயகரிடம் கடிதம் அளித்திருந்தது.
, இபிஎஸ் ஆகிய இருவரின் கடிதங்களும் பரிசீலனையில் உள்ளதாக பேரவைத் தலைவர் கூறியிருந்தது குறிப்பிடத்தக்கது.