உலக கிண்ண கால்பந்து போட்டியில் ஆர்ஜெண்டினா அணியை வீழ்த்தி சவுதி அரேபியா அணி வெற்றி பெற்றதனால் இன்று (23) அந்நாட்டில் தேசிய விடுமுறை.
இதற்கான அறிவிப்பை அந்நாட்டு மன்னர் விடுத்துள்ளார்.
22 ஆவது உலக கிண்ண கால்பந்து போட்டி கத்தாரில் நடைபெற்று வருகிறது.
நேற்று (22) நடந்த லீக் போட்டியில் மெஸ்சியின் அர்ஜென்டினா அணியை 1-2 என்ற கோல் கணக்கில் சவுதி அரேபியா வீழ்த்தி முதல் முறையாக வெற்றி பெற்றது.
முதல் பாதி முடிவில் 1-0 என அர்ஜென்டினா முன்னிலை வகித்தது. இரண்டாவது பாதியில் சவுதி அரேபியா வீரர்களின் சிறப்பான ஆட்டத்தால் அந்த அணி 2-1 என வெற்றி பெற்றது.
சவுதி அரேபிய அணியின் வெற்றியை அரேபிய நாடுகளும் கொண்டாடி வருகின்றன.