தெலுங்கில் வெளியாகும் நயன்தாரா படம்
நயன்தாரா நடித்து அவருக்கு ஒரு பெரிய வெற்றி படமாக அமைந்த மாயா படத்தை இயக்கிய அஸ்வின் சரவணன் மீண்டும் நயன்தாரா நடிப்பில் உருவாக்கி உள்ள படம் கனெக்ட். இதுவும் மாயா பாணியில் ஹாரர் திகில் படமாக உருவாகி உள்ளது. இதனை நயன்தாரா தனது ரவுடி பிக்சர்ஸ் சார்பில் தயாரித்துள்ளார். இந்தப் படத்தில் அனுபம் கெர், சத்யராஜ் மற்றும் பலர் முக்கியக் கதாப்பாத்திரத்தில் நடித்துள்ளனர். இந்த படம் வருகிற 22ந் தேதி வெளிவருகிறது. தமிழில் தயாராகி உள்ள இந்த படம் அதே தேதியில் தெலுங்கிலும் அதே பெயரில் வெளியாகிறது. யுவி கிரியேஷன் இதனை தெலுங்கில் வெளியிடுகிறது. மாயா படமும் தெலுங்கில் வெளியாகி வரவேற்பை பெற்றது.