25 நாளில் சின்னத்திரைக்கு வந்த லத்தி
விஷால் நடித்த படங்களிலேயே அதிக பட்ஜெட்டில் தயாரான படம் லத்தி. இதனை அவரது நண்பர்களும், நடிகர்களுமான நந்தாவும், ரமணாவும் இணைந்து தயாரித்திருந்தார்கள். விஷாலுடன் சுனைனா, ரமணா, பிரபு, முனீஷ்காந்த், மிஷா கோஷல், தலைவாசல் விஜய், மாஸ்டர் லிரிஷ் உள்பட பலர் நடித்திருந்தார்கள். யுவன் சங்கர் ராஜா இசை அமைத்திருந்தார், பாலசுப்ரமணியம் ஒளிப்பதிவு செய்திருந்தார். புதுமுகம் வினோத் குமார் இயக்கி இருந்தார். கடந்த டிசம்பர் மாதம் 22ம் தேதி வெளியான இந்தப் படம் 25 ஆட்களே ஆன நிலையில் சின்னத்திரைக்கு வந்திருக்கிறது. பொங்கல் பண்டிகையை முன்னிட்டு டிவி ஒன்றில் 16ம் தேதி மாலை 6.30 மணிக்கு ஒளிபரப்பாகிறது.