விரைவில் டிஸ்னி பிளஸ் ஹாட் ஸ்டாரில் ஹன்சிகாவின் திருமண வீடியோ!
நடிகை ஹன்சிகா- சோஹைல் கதுரியா திருமணம் கடந்த டிசம்பர் மாதம் நான்காம் தேதி ஜெய்ப்பூரில் உள்ள முண்டோடா கோட்டை மற்றும் அரண்மனைகளில் நடைபெற்றது. விழாக்கோலமாக நடைபெற்ற அந்த திருமண நிகழ்ச்சிகளை டிஸ்னி பிளஸ் ஹாட் ஸ்டார் ஓடிடி தளத்தில் வெளியிடப் போகிறார்கள். இந்த வீடியோவில் ஹன்சிகாவும் அவரது குடும்பத்தினரும் திருமணத்தை சுற்றி நடந்த ருசிகர சம்பவங்கள் மற்றும் பிரச்னைகள் குறித்து அனைத்து விஷயங்களை விவரிக்க போகிறார்கள்.
இந்த நிலையில் தற்போது டிஸ்னி பிளஸ் ஹாட் ஸ்டார் ஹன்சிகாவுடன் இணைந்து ஹாட் ஸ்டார் சிறப்பு நிகழ்ச்சியின் முதல் தோற்றத்தை வெளியிட்டுள்ளார்கள். அதோடு, லவ் சாதி டிராமா என்ற பெயரில் வெளியாக உள்ள ஹன்சிகாவின் இந்த திருமண வீடியோ வெளியாகும் தேதி விரைவில் அறிவிக்கப்படும் என்றும் தெரிவிக்கப்பட்டுள்ளது.