ஒரு வழியாக 73 வயதில் பத்தாம் வகுப்பு பாஸான லீனா ஆண்டனி
படிப்பதற்கு ஆர்வம் இருந்தால் வயது ஒரு தடை இல்லை என நிரூபித்திருக்கிறார் கேரளாவை சேர்ந்த குணச்சித்திர நடிகை லீனா ஆண்டனி. மலையாளத்தில் பஹத் பாஸில் நடிப்பில் வெளியான மகேஷிண்டே பிரதிகாரம் படத்தில் நாயகி அபர்ணா பாலமுரளியின் அம்மாவாக நடித்திருந்தவர் தான் இந்த லீனா ஆண்டனி. குணச்சித்திர நடிகையான இவரது கணவரும் நாடக நடிகர் தான். கணவரின் மனைவிக்கு பிறகு மகனும் மருமகளும் கொடுத்த ஊக்கத்தில் பாதியிலேயே நிறுத்தி இருந்த படிப்பை தொடரும் விதமாக பத்தாம் வகுப்பிற்கு தேர்வு எழுதினார் லீனா ஆண்டனி.
கடந்த இரண்டு வருடங்களுக்கு முன்பு இவர் தேர்வு எழுதிய செய்தி ரொம்பவே வைரலானது. ஆனாலும் இரண்டு முறை தொடர்ந்து எழுதியும் அவரால் தேர்ச்சி பெற முடியவில்லை. இந்த நிலையில் தற்போது பத்தாம் வகுப்பு தேர்வில் வெற்றிகரமாக தேர்ச்சி பெற்றுள்ளார் லீனா ஆண்டனி. இதைத்தொடர்ந்து அடுத்ததாக பிளஸ் ஒன் படிக்கும் எண்ணத்திலும் இருக்கிறார். இவர் பத்தாம் வகுப்பில் தேர்ச்சி பெற்றது குறித்து கேரள கல்வித்துறை அமைச்சர் வி.சிவன்குட்டி லீனாவுக்கு தனது பாராட்டுகளை தெரிவித்துள்ளார்.