வேலைவாய்ப்பு உருவாக்கத்திற்கு அதிக முன்னுரிமை அளிக்கும் வகையிலும், பிரதமரின் உறுதிமொழியை நிறைவேற்றுவதற்கான ஒரு படியாகவும் ரோஸ்கர் மேளா தொடங்கப்பட்டது. அதன்படி பிரதமர் 10 லட்சம் பேரை ஆட்சேர்ப்பு செய்வதற்காக ரோஸ்கர் மேளாவை தொடங்கினார். வேலையின்மை பிரச்சினையில் எதிர்க்கட்சிகளின் தொடர்ச்சியான விமர்சனங்களுக்கு மத்தியில், கடந்த எட்டு ஆண்டுகளில் வேலைகளை உருவாக்க தனது அரசாங்கத்தின் முயற்சிகளை அடிக்கோடிட்டு காட்ட இந்த முயற்சி எனவும் கூறப்பட்டது.
இந்தநிலையில் அரசுத் துறைகள் மற்றும் அமைப்புகளில் புதிதாகப் பணியமர்த்தப்பட்டவர்களுக்கு சுமார் 71,426 பணி நியமனக் கடிதங்களை பிரதமர் நரேந்திர மோடி இன்று வழங்கினார். வீடியோ கான்பரன்சிங் மூலம் காலை 10:30 மணிக்கு நியமனக் கடிதங்களை விநியோகித்து, நியமனம் பெற்றவர்களிடம் பிரதமர் மோடி உரையாற்றினார்.
நாடு முழுவதிலும் இருந்து தேர்ந்தெடுக்கப்பட்ட புதிய பணியாளர்கள் இந்திய அரசின் கீழ் ஜூனியர் இன்ஜினியர்கள், லோகோ பைலட்டுகள், தொழில்நுட்ப வல்லுநர்கள், ஆய்வாளர்கள், சப் இன்ஸ்பெக்டர்கள், கான்ஸ்டபிள், ஸ்டெனோகிராபர்கள், ஜூனியர் அக்கவுண்டன்ட், கிராமீன் தக் சேவக், வருமான வரி ஆய்வாளர், ஆசிரியர் போன்ற பல்வேறு பதவிகள் அல்லது பதவிகளில் சேருவார்கள். செவிலியர், மருத்துவர், சமூக பாதுகாப்பு அதிகாரி உள்ளிட்ட பல பணிகளுக்கான நியமனம் வழங்கப்பட்டது.
மூத்த அமைச்சர்களான தர்மேந்திர பிரதான், பியூஷ் கோயல், ஹர்தீப் பூரி, அனுராக் தாக்கூர் மற்றும் பலர் உட்பட மொத்தம் 45 அமைச்சர்கள் மேளாவில் பங்கேற்றனர். மேலும், ‘ரோஸ்கர் மேளா’வின் கீழ் இளைஞர்களுக்கு வேலை வழங்குவதற்காக பல்வேறு மத்திய அமைச்சர்கள் ஜனவரி மாதம் பல்வேறு மாநிலங்களுக்குச் செல்லவுள்ளனர்.
அதன்படி மத்திய அமைச்சர் நரேந்திர சிங் தோமர் போபாலில், அனுப்ரியா பட்டேல் மும்பை, அஷ்வினி சௌபே நாக்பூரில், நித்யானந்த் ராய் புனேவில், பியூஷ் கோயல் புதுதில்லியில், தர்மேந்திர பிரதான் புவனேஸ்வரில், ஹர்தீப் சிங் பூரி லூதியானாவில், கஜேந்திர சிங் ஷெகாவத் லக்னோவில், உதய்பூரில் மேக்வால், கான்பூரில் அனுராக் சிங் தாக்கூர் உள்ளிட்ட பல அமைச்சர்கள் பல்வேறு மாநிலங்களுக்குச் செல்ல உள்ளனர்.
இந்தநிலையில் அரசு துறைகளில் இன்னும் 30 லட்சம் காலியிடங்கள் உள்ளதாக
காங்கிரஸ்
தலைவர் மல்லிகார்ஜுன் கார்கே குற்றம்சாட்டியுள்ளார். இது குறித்து அவர் தனது டிவிட்டர் பதிவில், ‘‘ பாஜக ஆட்சிக்கு வந்தால் ஆண்டுதோறும் இரண்டு கோடி வேலை வாய்ப்புகள் உருவாக்கப்படும் என பிரதமர் மோடி வாக்குறுதி அளித்தார். ஆனால் அது நிறைவேற்றப்படவில்லை.
கேசிஆரின் எதிர்கட்சிகள் மாநாடு; பீகார் முதல்வர் பரபரப்பு கருத்து.!
அதேபோல் இன்று 71 ஆயிரம் பேருக்கு பணிநியமன கடிதங்களை பிரதமர் வழங்கியுள்ளார். ஆனால் அரசுத்துறைகளில் இன்னும் 30 லட்சம் காலி இடங்கள் உள்ளன. அதை எப்போது நிரப்புவதாக திட்டம் வைத்துள்ளார் என்று தெரியவில்லை. பாஜக வாக்குறுதி அளித்தபடி கடந்த 8 ஆண்டுகளில் 16 கோடி வேலை வாய்ப்புகளை இளைஞர்களுக்கு வழங்கியிருக்க வேண்டும். அது எப்போது.?’’ என காங்கிரஸ் தலைவர் தெரிவித்துள்ளார்.